राष्ट्रिय कर दिवसका अवसरमा करदाता शिक्षा
भञ्ज्याङ न्यूज
राष्ट्रिय कर दिवसका अवसरमा आन्तरिक राजस्व कार्यालय दमौली र तनहुँ उद्योग वाणिज्य संघले संयुक्त रुपमा करदाता शिक्षा सञ्चालन गरेका छन् । सप्ताहव्यापी रुपमा मनाइएको दशौं राष्ट्रिय कर दिवस २०७८ का अवसरमा करदाता शिक्षा तथा अन्तरक्रिया कार्यक्रम गरिएको हो ।
दमौलीका प्रमुख कर अधिकृत नारायण ढकालको अध्यक्षतामा आयोजित कार्यक्रममा करदाताका लागि नेपाल सरकारले दिएका छुट सुविधा सहितका नयाँ स्किमका विषयमा कर अधिकृत युक्त सुवेदीले सहजिकरण गरेका थिए ।
कर अधिकृत सुवेदीले डाक्टर, वकील, पत्रकार, लेखापढी व्यवसायी, परामर्शदाता, मध्यस्थकर्ता, लेखापरीक्षक लगायतका क्षेत्रका व्यक्तिलाई करको दायरामा ल्याउन २०७८ फागुन मसान्तभित्र २०७५/०७६ देखि २०७७/०७८ सम्म ३ वर्षो कर बुझाई स्थायी लेखा नम्वर लिन आएमा त्यसमा लाग्ने शुल्क तथा व्याज मिनाहा हुने र सोभन्दा अगाडिको आयकर र मूल्य अभिवृद्धि कर मिनाहा हुने साथै कारोवार मिसम्याच भएको भए २०७८ चैच मसान्तभित्र छुट करोवार घोषणा गरी फरक कारोवारमा १.५ प्रतिशत कर दाखिला गरेमा सो कर अन्तिम हुने र अगाडिका वर्षो छानविन नगरिने जानकारी गराएका थिए ।
