नेकपा माओवादी केन्द्र तनहुँले आकांक्षी उम्मेदवारको नाम सिफारिस गर्यो
भञ्ज्याङ न्यूज
आसन्न प्रतिनिधिसभा र प्रदेशसभा निर्वाचनका लागि नेकपा (माओवादी) केन्द्र तनहुँले उम्मेदवारको नाम सिफारिस गरेको छ । नेकपा (माओवादी) केन्द्र जिल्ला समन्वय कमिटीको शनिबार बसेको बैठकले मंसिर ४ गते हुने प्रतिनिधिसभा र प्रदेशसभा निर्वाचनका लागि उम्मेदवार सिफारिस गरेको हो ।
तनहुँ क्षेत्र नम्बर १ को प्रतिनिधिसभाका लागि केन्द्रका केन्द्रीय कोषाध्यक्ष श्रीराम ढकाल र केन्द्रीय सदस्य हरिबहादुर चुमानलाई सिफारिस गरिएको छ। क्षेत्र नम्बर २ को प्रतिनिधिसभाका लागि केन्द्रीय सदस्य आशा कोइराला सिफारिस भएकी छन्।
यस्तै, समानुपातिकतर्फ शम्भुबहादुर अधिकारी, अरुण खनाल, ओमकुमारी पौडेल, रामबहादुर थापा, जुम्मादिन मियाँ सिफारिस भएका छन् ।
तनहुँ क्षेत्र नम्बर १ (क) तर्फदिपक पन्त, शंकर जोशी र (ख) तर्फहेमराज लामिछाने, सूर्यबहादुर गौली, भिम राना सिफारिस भएका छन् ।
तनहुँ क्षेत्र नम्बर २ (क) तर्फराजेन्द्रकेशरी न्यौपाने, अतिन्द्रकेशरी न्यौपाने, ओमराज आले, विकास श्रेष्ठ र मदन पौडेलको नाम सिफारिस गरिएको छ भने (ख) तर्फदेवीकुमारी बुर्जा मगर सिफारिस भएका छन् ।
प्रदेश समानुपातिकतर्फइन्द्रबहादुर अधिकारी, गीता शाही, बसन्त दरै, जौमाया बराल सुनार, दिलबहादुर नेपालीको नाम सिफारिस गरिएको छ ।
