आँबुखैरेनी गाउँपालिकाका अध्यक्ष चुमानद्वारा अक्षयकोष स्थापना
भञ्ज्याङ समाचारदाता/आँवुखैरेनी
तनहुँको आँबुखैरेनी गाउँपालिकाका अध्यक्ष शुक्र चुमानले आफ्नो जन्मदिनका अवसरमा क्याम्पसमा अक्षयकोष स्थापना गरेका छन् ।
अध्यक्ष चुमानले आफ्ना स्वर्गीय दाइको स्मृति स्वरुप अक्षयकोष स्थापना गरेका हुन् । स्वर्गीय दाइ आकाश चुमानको नाममा आँबुखैरेनी क्याम्पसमा एक लाख एक हजार १११ रुपैयाँ बराबरको अक्षयकोष स्थापना गरेका छन् ।
क्याम्पसमा अध्ययनरत विपन्न विद्यार्थीलाई छात्रवृत्ति प्रदान गर्ने उद्देश्यसहित अध्यक्ष चुमानले उक्त रकमको चेक बुधबार क्याम्पस प्रमुख बाबुराम देवकोटालाई हस्तान्तरण गरेका छन् ।
जन्मदिनमा हुने फजुल खर्चको साटो क्याम्पसमा अध्ययनरत जेहेन्दार छात्रछात्रालाई छात्रवृत्ति प्रदान गर्ने उद्देश्यसहित अक्षयकोष स्थापना गरेको उनले बताए । अध्यक्ष चुमानका दाइले नेकपा माओवादी केन्द्रले सञ्चालन गरेको सशस्त्र युद्धको क्रममा सहादत प्राप्त गरेका थिए ।
