तनहुँको भानु नगरपालिकाद्वारा पुरनडिहि अस्पतालको अनुगमन

तनहुँको भानु नगरपालिकाले वडा नं. ५ को पुरनडिहि शहरी नगर अस्पतालको अनुगमन गरेको छ । कोरोनाका कारण जनताको अस्पतालमा आउजाउ बढेकाले अस्पतालबाट प्रदान गर्नुपर्ने सेवा सुबिधाहरु जनताले पाए नपाएको बारे जानकारी लिन नगरपालिकाका मेयर उदयराज गौलीको नेतृत्वको टोलीले अनुगमन गरेको थियो ।

अनुगमनका क्रममा मेयर गौलीले अस्पतालका हेल्थ असिस्टेन्ट सुभास रेग्मीलाई आईशोलेशनमा रहेका कोरोना संक्रमित बिरामी र अन्य बिरामीको अस्पतालले दिन सक्ने सेवा सुविधा दिनु पर्ने भन्दै आँफु सदैव जनताको सुखदुःखमा सहयोगमा निरन्तर लागिरहेको स्वास्थ्य शाखा प्रमुख ऐश्वर्यचन्द्र भट्टराइले बताए ।

नगरपालिकाले जनताको स्वास्थ प्रति संवेदनशिल रहेकाले आगामी आर्थिक वर्षको बजेटमा पनि स्वास्थ्य क्षेत्रमा पर्याप्त बजेट विनियोजन गरिने उपप्रमुख आशा थापाले बताइन् । उनले स्वास्थ्यमा कुनै समस्या देखिए नजिकको स्वास्थ चौकीमा जान वा स्वास्थ्यकर्मीलाई सम्पर्क गर्न अनुरोध गरेकी छन् ।

नगरपालिकाका अस्पताल र स्वास्थ्य चौकीहरूलाई सुविधा सम्पन्न बनाउन नगरपालिका सदैव प्रतिबद्ध रहेका प्रमुख प्रशासकीय अधिकृत भिमप्रसाद तिवारीले बताए । उक्त नगर अस्पतालमा अहिले २ जना पुरुष र १ जना महिला कोरोना संक्रमितको उपचार भैरहेको अस्पतालले जनाएको छ ।

सेयर गर्नुहोस्

प्रतिक्रिया दिनुहोस्

सम्बन्धित खवर