तनहुँको आँवुखैरेनी-४ को वडा कार्यालय भवन उद्घाटन

तनहुँको आँबुखैरेनी गाउँपालिकाको वडा नं. ४ को वडा कार्यालय भवनको उद्घाटन गरिएको छ । ५२ लाख ४१ हजार रुपैयाँ लागतमा निर्माण गरिएको भवनको विहीबार पूर्व मन्त्री एवं कांग्रेस केन्द्रीय सदस्य शंकर भण्डारीले उद्घाटन गरेका हुन्। भवन उद्घाटन गर्दै नेता भण्डारीले गाउँपालिकाले विकासमा प्रगति गरिरहेको बताए । उनले कांग्रेसको नेतृत्वमा विकासले गति लिइरहेको भन्दै आगामी दिनमा पनि थप विकास हुने अपेक्षा गरे । गाउँपालिकाले उदाहरणीय विकास गरेको उनले बताए ।

भिजन निर्माण सेवाले निर्माण गरेको भवन उद्घाटन कार्यक्रममा कांग्रेस केन्द्रीय सदस्य गोविन्द भट्टराइले विकेन्द्रीकरण र संघीयता काँग्रेसकै कारण सफल भएको भन्दै अब झन विकास हुने बताए । उनले चुनावमा कांग्रेस बलियो शक्ति बन्ने र विकासले गति पाउने बताए ।

गाउँपालिकाका अध्यक्ष गिरबहादुर थापाले गाउँ र सहर दुवै क्षेत्रमा समानुपातिक विकास अघि बढाइरहेको र जनताको आवश्यकाता पहिचान गरी विकासका कार्यक्रम अगाडि बढाएको बताए । गाउँपालिकाका प्रमुख प्रशासकिय अधिकृत विष्णुप्रसाद पोख्रेलले २०७७ साल जेठमा सम्झौता भएर चैत्रमा भवन सम्पन्न भएको जानकारी गराए । गाउँपालिकाका सबै वडामा आ-आफ्नै कार्यालय बनाउने योजनामा गाउँपालिका लागेको जानकारी गराए । कार्यक्रममा कांग्रेस नेताहरु आनन्दराज त्रिपाठी, रामचन्द्र अधिकारी लगायतले आ-आफ्ना विचार व्यक्त गरेका थिए ।

सेयर गर्नुहोस्

प्रतिक्रिया दिनुहोस्

सम्बन्धित खवर