सत्यवती माविमा नवौं राष्ट्रिय विज्ञान दिवस मनाइयो
भञ्ज्याङ न्यूज
राष्ट्रिय विज्ञान दिवसको अवसरमा सत्यवती माध्यमिक विद्यालय दमौलीमा ‘विज्ञान र प्रविधिको उन्नत विकास, प्रकोप र महामारीबाट सहज निकास’ भन्ने शिर्षमा बक्तृत्वकला प्रतियोगता सहित विविध कार्यक्रमका नवौं राष्ट्रिय विज्ञान दिवस मनाइएको छ। प्रतियोगितामा दिपा विक प्रथम, एलिना वाग्ले द्वितीय र सञ्जु रानाभाटले तृतीय भएकी छन् ।
कार्यक्रममा विद्यालयका विज्ञान समूह कक्षा १२ मा अध्ययनरत छात्रछात्राहरुले विविध साँस्कृतिक कार्यक्रमको आयोजना गरी कक्षा ११ मा नयाँ भर्नाहुने छात्रछात्राहरुलाई विद्यालयमा स्वागत गरेका थिए ।
कक्षा १२ का छात्रा उर्मिला बस्नेतको अध्यक्षतामा आयोजित कार्यक्रमका व्यास-२ का वडाध्यक्ष एवं विद्यालय व्यवस्थापन समितिका अध्यक्ष काशीराम श्रेष्ठले विज्ञान र प्रविधि विनाको शिक्षा वर्तमान समयमा प्रभावकारी नहुने भन्दै समयानुसार शैक्षिक क्षेत्रमा यसको प्रयोग गर्न आग्रह गरे ।
विद्यार्थीहरु उदित पोख्रेल, रोज महरा र सलिना गहतराजले संयुक्त रुपमा सञ्चालन गरेको कार्यक्रममा प्रधानाध्यापक इन्द्रप्रसाद पौडेल, व्यवस्थापन समिति सदस्य शुरेस वाग्ले, विज्ञान समूह संयोजक रुपक श्रेष्ठ, शिक्षक सुजन घिमिरे लगायतले विज्ञान र प्रविधिको महत्वको चर्चा गर्दै शुभकामना मन्तव्य व्यक्त गरेका थिए ।
