म्याग्दे गाँउपालिकाद्वारा भूमि वर्गिकरण सम्बन्धी अन्तर्क्रिया कार्यक्रम सम्पन्न

म्याग्दे गाँउपालिकाले जिल्लामा नै पहिलो पटक भूमि वर्गिकरण सम्वन्धि एक दिने वडा स्तरिय अन्तरक्रिया कार्यक्रम सम्पन्न गरेको छ । गाँउपालिकाका अध्यक्ष श्रीप्रसाद श्रेष्ठको अध्यक्षतामा भएको सो कार्यक्रम म्याग्दे गाउँपालिका वडा नं ४ र ७ वडाको समुदाय, टोल विकास संस्था र स्थानीयसँग अन्तरक्रिया कार्यक्रम सम्पन्न गरेको हो ।

प्रमुख प्रशासकिय अधिकृत नारायणप्रसाद अधिकारीले कार्यक्रमको महत्व र आवश्यकताको वारेमा प्रकाश पार्दै गाँउकार्यपालिकाले स्थानीय भू-उपयोग कार्यान्वन समिती, भू-उपयोग परिषद र प्राविधिक समिती गठन गरेको वडा स्तरिक सहजीकरण समिती समेत गठन गरी सक्किएको बताएका थिए ।

साथै, स्थानीय पत्र पत्रिकामामा समेत सुचना प्रकाशित गरी काम कारवाही अगाडी बढाइएको उनले बताएका थिए । भू उपयोग ऐन २०७६ र नियमावली २०७९ मा भएको व्यवस्था अनुसार भूमि व्यवस्था सहकारी तथा गरिवी निवारण मन्त्रालयको र मालपोत कार्यालय तनहुँको सार्वजनिक सुचना अनुसार कार्यक्रम अगाडी वढाइएको पालिका अध्यक्ष श्रीप्रसाद श्रेष्ठले बताएका थिए ।

मालपोत कार्यालय तनहुँका प्रमुख चिरन्जीवि पौडेलले अन्तरक्रिया कार्यक्रममा सहभागीहरुलाई प्रशिक्षण दिएका थिए । भूमि वर्गिकरण तथा उपयोग १० वटा मापदण्ड तय गरिएको र सोही अनुरुप काम गरिने उनले बताए । जसमध्ये कृषि क्षेत्र, आवासीय क्षेत्र, व्यवसायिक क्षेत्र, औधोगिक क्षेत्र, खानी तथा खनिज क्षेत्र, वन क्षेत्र, नदि खोला ताल क्षेत्र, र्सार्वजनिक उपयोगको क्षेत्र, सांस्कृतिक तथा परातात्विक महत्वको क्षेत्र र नेपाल सरकारवाट आवश्यकता अनुसार तोकिएको अन्य क्षेत्र रहेका छन् ।

यसैगरी नापी कार्यालय तनहुँका अधिकृत कृष्ण प्रसाद आचार्यले नक्सा सम्वन्धी विषय र यसको क्षेत्राधिकारका बारेमा सहभागीहरुलाई प्रशिक्षण दिएका थिए । गाँउपालिकाको घरनक्सा शाखाले मंसिर २० गते भित्र ७ वटै वडाको प्रतिवेदन गाँउपालिकालाई पेश गर्ने गरी कार्यक्रम अगाडी बढाएको छ ।

सुझाव सहितको अन्तिम प्रतिवेदन तयार गरी कार्यपालिकाको निर्णय सहित स्वीकृत फाइनल घोषणा तथा सार्वजनिक मंसिर २३ गते गर्ने र सो पाश्चात प्रदेश, संघ सहित राय लिई राजपत्रमा प्रकाशन गरी कार्यन्वयन गर्ने पालिकाले जनाएको छ । उक्त अन्तरक्रिया कार्यक्रम हरेक वडामा संचालन गरिने छ ।

सेयर गर्नुहोस्

प्रतिक्रिया दिनुहोस्

सम्बन्धित खवर