दमौलीमा पुस २२ देखि पाँचौ आदिवासी महोत्सव गरिने

तनहुँको दमौलीमा पुस २२ गतेदेखि पाँचौ आदिवासी जनजाति महोत्सव सञ्चालन गरिने भएको छ । नेपाल आदिवासी जनजाति महासंघ जिल्ला समन्वय परिषद्ले व्यास नगरपालिका-३ विपी वनवाटिकामा माघे संक्रान्ति पर्वका अवसरमा पाँचौ आदिवासी जनजाति तनहुँ साँस्कृतिक एवं पर्यटन महोत्सव २०७९ सञ्चालन गर्ने भएको हो ।

परिषद्का अध्यक्ष सुजित हिराचनले जिल्लाको आर्थिक, सामाजिक, सांस्कृतिक, पर्यटन क्षेत्रको प्रबर्द्धन गर्ने उद्देश्य सहित महोत्सव गर्न लागिएको बताए । महोत्सव सञ्चालनका लागि व्यास नगरपालिकाले विपी वनवाटिका खेलमैदान उपलब्ध गराउने निर्णय गरेको छ ।

परिषदले गत भदौ २६ गते नगरपालिकामा खेलमैदान उपलब्ध गराइदिन माग गर्दै निवेदन दिएकामा मंगलबार नगरपालिकाले अनुमति दिएको परिषद्का उपाध्यक्ष नन्दु थापाले जानकारी गराए । उक्त अवधिभर कुनै प्रकारको ध्वनी प्रदूषण नहुने गरी, फोहरमैला आयोजक संस्थाबाट नै पूर्णरुपमा सरसफाई गर्ने गरी महोत्सव स्थल उपलब्ध गराइएको नगरपालिकाले जनाएको छ ।

सेयर गर्नुहोस्

प्रतिक्रिया दिनुहोस्

सम्बन्धित खवर