तनहुँमा एमालेको मिसन ग्रासरुट अभियान सुरु

नेकपा (एमाले) तनहुँले मिसन ग्रासरुट अभियान सुरु गरेको छ । एमाले तनहुँको आइतबार सम्पन्न सचिवालय बैठकले केन्द्रीय कार्यक्रम अनुसार आगामी दुइ महिनाका लागि उक्त अभियान सञ्चालन गर्ने भएको छ ।

मिसन ग्रासरुट अभियान अन्तर्गत म्याग्दे गाउँपालिका, शुक्लागण्डकी नगरपालिकामा सीमा क्षेत्री, ऋषिङ गाउँपालिका, घिरिङ गाउँपालिका र भिमाद नगरपालिकामा बालसिं काउछा मगर, व्यास र भानु नगरपालिकामा विद्या भट्टराइ, बन्दिपुर, देवघाट र आँबुखैरेनी गाउँपालिकामा कृष्णप्रसाद पौडेल खटिएका छन् ।

मिसन ग्रासरुट अभियानमा दशौं महाधिवेशनको कार्यदिशा, दक्षिणपन्थी अवसरवाद र संगठनात्मक अराजकता विरुद्धको वैचारिक संघर्ष, विभिन्न राजनीतिक दलसँगको पार्टीका राजनीतिक वैचारिक भिन्नता, पार्टी निर्माण सम्बन्धी मार्क्सवादी दृष्टिकोण र पार्टी सदस्यका अधिकार, कर्तवय र कार्यशैली सम्बन्धमा प्रशिक्षण गरिने एमाले तनहुँका उपसचिव प्रदीपराज अधिकारीले बताए ।

एमाले जिल्ला अध्यक्ष श्रीप्रसाद श्रेष्ठको अध्यक्षता र केन्द्रीय सचिव पद्मा अर्यालको उपस्थितिमा सम्पन्न बैठकले पार्टी सदस्यता नवीकरण र विस्तार मार्फत आधारभूत तहमा पार्टी सदस्यको तथ्याङक संकलन गर्ने निर्णय गरिएको छ ।

बैठकले फागुन १६ र १७ बन्दिपुरमा प्रशिक्षण कार्यक्रम गर्ने निर्णय गरेको छ । उक्त कार्यक्रममा पार्टीका उपमहासचिव तथा स्कूल विभाग प्रमुख प्रदीप ज्ञवालीले प्रशिक्षण दिने बताइएको छ ।

बैठकले फागुन २५ गते जिल्ला सल्लाहकारको बैठक, २६ गते मोर्चा संयन्त्रको बैठक, चैत १५ गतेभित्र विभागहरुको बैठक, वैशाख ४ र ११ गते पालिका पदाधिकारी र निर्वाचित जनप्रतिनिधिको संयुक्त बैठक, फागुन १९ गते व्यास, ऋषिङ, आँबुखैरेनी र म्याग्दे, २० गते भानु, बन्दिपुर, भिमाद र शुक्लागण्डकी, २१ गते देवघाट र घिरिङको बैठक आयोजना गरिएको एमाले तनहुँले जनाएको छ ।

सेयर गर्नुहोस्

प्रतिक्रिया दिनुहोस्

सम्बन्धित खवर