गर्मी बढेपछि व्यास नगरपालिकाले दियो गर्मी बिदा

दैनिक जसो गर्मी बढ्दै गएपछि तनहुँको व्यास नगरपालिकाले विद्यालयमा गर्मी बिदा दिएको छ । गर्मीका कारण पठनपाठनमा समस्या भएकाले नगरपालिकाले बिदा दिने निर्णय गरेको हो ।

आइतबारदेखि एक साताका लागि वर्षो बिदाबाट कट्टा हुने गरी विद्यालय व्यवस्थापन समितिको निर्णय गराइ बिदा दिने निर्णय गरिएको नगरपालिकाका शिक्षा अधिकृत नवीन पराजुलीले जानकारी दिए ।

गर्मीका कारण विद्यार्थीहरुको विद्यालय आगमन र पठनपाठनमा प्रतिकूल असर परिरहेको तथा आगामी हप्तामा समेत तापक्रम बढ्ने प्रक्षेपण देखिएकाले बिदा दिने निर्णय गरिएको पराजुलीले बताए । बिदाका क्रममा स्वअध्ययन गर्न, सिकाइ बोझ नहुने गरी गृहकार्य दिन, सिर्जनशील सिकाइ क्रियाकलाप दिन र दिउँसोको समयमा घर बाहिर नजान सुझाव दिन अनुरोध गरिएको छ ।

सेयर गर्नुहोस्

प्रतिक्रिया दिनुहोस्

सम्बन्धित खवर