चक्लाबन्दी गरिएको खेतमा पाक्यो चैते धान
तनहुँको बन्दिपुर-१ नाहालाका कृषकको खेतमा पाक्दै गरेको चैते धान । कृषकले प्रदेश सरकारको सहयोगमा चक्लाबन्दी गरी गरिएको चैते धान खेतीको कृषि ज्ञान केन्द्र तनहुँका प्रमुख कुलप्रसाद तिवारी सहितको टोलीले आइतबार अनुगमन समेत गरेको थियो ।
चैते धानको फल राम्रो भएको र अरु जात भन्दा हर्विनाथ हाईब्रिड १ धेरै फलेको प्रमुख तिवारीले बताए ।
कृषकहरुले चक्लाबन्दी कार्यक्रमलाई कम्तिमा ५ वर्षे आयोजनाकोरुपमा संचालन गर्नु पर्ने, गह्रा सुधार, कान्ला सुधार, बाटो निर्माण, मुख्य कुलो र सहायक कुलाहरु निर्माण, उन्नत जातको प्रयोग र विस्तार, लागत घटाउन आधुनिक मेशिनको प्रयोग, उत्पादनलाई प्रशोधन र बजारीकरणसंग जोड्नुपर्ने लगायतका आवश्यकता रहेको बताएका छन् ।
तस्विर : भञ्ज्याङ
