क्षमता भन्दा बढि यात्रु बोकेको जीप दुर्घटना हुँदा एकको मृत्यु १६ जना घाइते
भञ्ज्याङ न्यूज
तनहुँको ऋषिङ गाउँपालिका-१ धारापानीमा मंगलबार दिउँसो यात्रुबाहक जीप दुर्घटना हुँदा एक जनाको मृत्यु भएको छ । उक्त दुर्घटनामा परी १६ जना घाइते भएका छन् । मृत्यु हुनेमा व्यास नगरपालिका-५ की २५ वर्षीया मनु थापा रहेको तनहुँका प्रहरी नायव उपरीक्षक युवराज तिमिल्सिनाले बताए ।
दुर्घटनामा परी गम्भिर घाइते भएकी मनुलाई उपचारका लागि दमौली अस्पतालमा ल्याइएकोमा चिकित्सकले मृत घोषण गरेका थिए ।
दमौलीबाट ऋषिङको भिरकोटतर्फजाँदै गरेको ग१ज ७६०० नम्बरको जीप सडकबाट करिव ७० मिटर तल खसेर दुर्घटना भएको तनहुँ प्रहरीले जनाएको छ । दुर्घटनामा घाइते भएकामध्ये ९ जनाको अवस्था माध्यम र ७ जनाको अवस्था सामान्य रहेको बताइएको छ ।
घाइतेहरुको दमौली स्थित दमौली अस्पताल, रत्नहरी अस्पताल तथा पोखराको गण्डकी मेडिकल कलेज र चरक अस्पतालमा उपचार भैरहेको प्रहरीले जनाएको छ ।
ग्रामीण कच्चि सडकमा क्षमता भन्दा बढी यात्रु बोकेको जीप उकालोमा व्याक गर्ने क्रममा अनियन्त्रित भई दुर्घटना भएको प्रारम्भिक अनुसन्धनबाट देखिएको र दुर्घटनाका विषयमा थप अनुसन्धान भैरहेको प्रहारी नायव उपरीक्षक तिमिल्सिनाले बताए ।
