म्याग्देकी क्यान्सर पीडित सम्झनालाई आर्थिक सहयोग
भञ्ज्याङ न्यूज
तनहुँको म्याग्दे गाउँपालिका-५ की सम्झना श्रेष्ठलाई आर्थिक सहयोग जुट्न थालेको छ । क्यान्सर रोगबाट पीडित उनको उपचारका लागि विभिन्न संघ संस्था तथा व्यक्तिहरुले आर्थिक सहयोग उपलब्ध गराउन थालेका छन् । सम्झनाको उपचारका लागि छाङ्गेले नेवाः खल दमौलीले २५ हजार ५५५ रुपैयाँ सहयोग प्रदान गरेको छ ।
हाल व्यास-५ पतेनीमा बस्दै आएकी ३८ वष्र्ाीया सम्झनालाई छाङ्गेली नेवाः खलले आर्थिक सहयोग उपलब्ध गरिएको अध्यक्ष सेर कुमार कायस्थले जानकारी गराए ।
घरको आर्थिक अवस्था नाजुक रहेको र उपचारको लागि ठुलो खर्च लाग्ने भएपछि थप चिन्ता थपिएको सम्झनाको परिवारमा आफन्तजन र शुभचिन्तकहरुबाट केही आर्थिक सहयोग जुटेपछि उपचारका लागि सहज भएको सम्झनाका श्रीमान चन्द्र कुमार श्रेष्ठले बताए ।
यसैक्रममा सम्झनाको उपचारकाका लागी रानीटारी टोल विकास संस्थावाट १६ हजार ८५५, नेपालटार नेवा गुठीवाट ५ हजार, दभुङवेशी रानीटारी नेवा समाजवाट २८ हजार ८३५, सिन्धु आमा समुहवाट १६ हजार ५०५, दुलेगौडा निवासी वसुमाया राजभण्डारीवाट ११ हजार १०५, सपना भट्टर्राई सिहालेको पहलमा संकलित रकम ३ हजार आर्थिक सहयोग प्रदान गरिएको छ ।
विदेशमा रहेका दाजुभाईहरुबाट आर्थिक सहयोग उपलब्ध हुन थालेको बताइएको छ । ब्रु नाईका रेशमलाल श्रेष्ठवाट ७ हजार, कतारबाट कृष्णकुमार श्रेष्ठको पहलमा २५ हजार २ सय दश, दिपक कुमार श्रेष्ठको पहलमा ६४ हजार ९३२, शिव कुमार श्रेष्ठको पहलमा १३ हजार ५४०, रामशरण श्रेष्ठको पहलमा १२ हजार २४५, विष्णुकुमार श्रेष्ठको पहलमा ९ हजार ९४०, मिलन श्रेष्ठ वाट ७ हजार ५६२ रुपैयाँ सहयोग भएको बताइएको छ ।
२०७९ चैत्र ३० गते वीपी कोईराला मेमोरियल क्यान्सर अस्पताल भरतपुरमा क्यान्सर पुष्टि भएपछि उपचार गर्दै आएको सम्झनाको विभिन्न परिक्षण भईरहेको छ भने वाहिरी सेकाई सकिएर भित्री सेकाई -थेरापी) को प्रक्रियामा रहेको बताइएको छ ।
