माओवादी केन्द्र तनहुँको १० वटै पालिकामा अधिवेशन र नयाँ नेतृत्व चयन
दमौली : नेकपा माओवादी केन्द्र तनहुँले जिल्लाका दश वटै पालिकामा अधिवेशन तथा खवरदारी सभासंगै नयाँ नेतृत्व चयन गरेको छ। पार्टीले प्रत्येक पालिकामा खबरदारी सभासंगै समसामयिक विषयमा छलफल गरी अधिवेशन गरेको थियो ।
माओवादी केन्द्रको अधिवेशनबाट व्यास नगरपालिकामा गोपाल सुर्खाली, शुक्लागण्डकी नगरपालिकामा शरण सापकोटा, भानु नगरपालिकामा भरत थापा, ऋषिङ गाउँपालिकामा डम्वर वि.क.को अध्यक्षतामा नयाँ नेतृत्व चयन गरेको छ ।
यस्तै, घिरिङ गाउँपालिकामा चुननारायण श्रेष्ठ, म्याग्दे गाउँपालिकामा बालकृष्ण श्रेष्ठ, बन्दिपुर गाउँपालिकामा ध्रुवप्रसाद लामिछाने, आँबुखैरेनी गाउँपालिकामा खगराज गौली र देवघाट गाउँपालिकामा भुवन सिं गुरुङको अध्यक्षतामा नयाँ नेतृत्व चयन गरिएको छ ।
यस्तै, भिमाद नगर कमिटीको अध्यक्षमा पुनः अमृत सिग्देलको अध्यक्षतामा नयाँ नेतृत्व चयन गरिएको छ । भिमाद–१ किहुँ बडहरभञ्ज्याङ्गमा सम्पन्न नगर कमिटीको दोस्रो अभिवेशनले सिग्देलको अध्यक्षतामा ४५ सदस्यीय कमिटी गठन गरिएको माओबादी केन्द्रका जिल्ला संयोजक ओमराज आले मदनले जानकारी दिए ।
