सडकमा अवरोध र तोडफोड गर्न खोजेको भन्दै दाहाल-नेपाल समुहका १६ जना दमौलीमा पक्राउ
भञ्ज्याङ न्यूज
राजमार्गमा अबरोध र सवारी साधन तोडफोडमा उत्रिएको भन्दै तनहुँ प्रहरीले नेपाल कम्युनिस्ट पार्टी (नेकपा) दाहाल-नेपाल समुहका १६ जना कार्यकर्तालाई नियन्त्रणमा लिएको छ ।
प्रहरीले नेकपा केन्द्रीय सदस्य प्रतापलाल श्रेष्ठ सहित १६ जनालाई दमौलीको भोर्लेटार चोकबाट नियन्त्रणमा लिएको हो ।
तनहुँका नेताहरु अतिन्द्र केशरी न्यौपाने, श्रीराम कार्की, मंगल प्रसाद श्रेष्ठ लगायत नियन्त्रणमा परेका छन् । नेतालाई पक्रने क्रममा केहीबेर धकालाधकेल भएको थियो । बन्दकर्ताले मोटरसाईकल चलाउन समेत रोकेका थिए ।
यस्तै सुरक्षा व्यवस्था मिलाइएको र राजमार्ग पूर्णरूपमा सुचारु रहेको, निजी सवारी साधन चलेको र सुरक्षा माग गर्नेलाई स्कर्टिङको व्यवस्था गरि गन्तव्यसम्म पुर्याउने कार्य भैरहेको तनहुँका प्रहरी नायब उपरीक्षक युवराज तिमिल्सिनाले बताए ।
बन्दका कारण यातायातका साधन, व्यापार व्यबसाय, बैंक, वित्तीय सस्था तथा शिक्षण सस्था खुल्न सकेका छैनन् ।
