अस्पताललाई डेङ्गु परीक्षण किट हस्तान्तरण
भञ्ज्याङन्यूज
तनहुँको दमौली स्थित दमौली अस्पताललाई डेङ्गु परीक्षण किट हस्तान्तरण गरिएको छ । तनहुँ क्षेत्र नम्बर १ का प्रतिनिधिसभा सदस्य डा. स्वर्णिम वाग्लेले दमौली अस्पताललाई डेङ्गु परीक्षण किट उपलब्ध गराएका हुन् ।
डा. वाग्लेको सहयोगमा अस्पताललाई उपलब्ध गराइएको पाँच सय थान कीट बुधबार अस्पतालका प्रमुख डा. परिवर्तन बराललाई प्रदान गरिएको राष्ट्रिय स्वतन्त्र पार्टी तनहुँका नेता विश्व बास्तोलाले बताए ।
जिल्लामा डेङ्गु संक्रमति वृद्धि भइरहेको अवस्थामा अस्पताललाई किट आवश्यक पर्ने भएकाले सांसद वाग्लेको सहयोगमा किट उपलब्ध गराइएको उनले बताए । अस्पतालका प्रमुख डा. बरालले प्राप्त किटले डेङ्गु संक्रण परीक्षणका लागि सहयोग पुग्ने बताए ।
