रोटर्याक्ट क्लव अफ दमौलीद्वारा वेद व्यास आश्रमलाई सहयोग
भञ्ज्याङ समाचारदाता (दमौली)
रोटर्याक्ट क्लब अफ दमौलीले वेदव्यास जेष्ठ नागरिक आश्रमलाई आर्थिक सहयोग गरेको छ । क्लबले ५३औं विश्व रोटर्याक्ट डेको अवसरमा शुक्रबार उक्त सहयोग गरेको हो । आश्रमलाई नगद रु ७ हजार ७ सहयोग गरेको रोटर्याक्ट क्लब क्लब अफ दमौलीका अध्यक्ष राजकुमार श्रेष्ठले जानकारी दिए । रोटा सप्ताह अवसरमा आश्रममा क्लबले केक काटेर जेष्ठ नागरिकसंग रोटर्याक्ट डे मनाएको क्लबका डिरेक्टर चियर बिशाल श्रेष्ठले बताए ।
रोटा सप्ताहको चौथो दिन उक्त सहयोग गरिएको क्लबले जनाएको छ । ज्येष्ठ नागरिकको भवन निर्माणाधीन रहेकाले केहि सहयोग पुगोस भनेर आर्थिक सहयोग नै गरिएको क्लबका निर्वतमान अध्यक्ष मनोज राउतले जानकारी दिए । साथै क्लबले निर्वतमान अध्यक्ष मनोज राउतको जन्मदिन समेत सोही अवसरमा मनाएको थियो ।
रोटा सप्ताहमा क्लबले हरेक दिन विभिन्न कार्यक्रम गर्दै आइरहेको छ । क्लबले स्वागत ब्यानर परिवर्तन, पञ्चमन्दिर सरसफाइ, मैत्रीपूर्ण फुटसल प्रतियोगिता लगाएतका कार्यक्रम सम्पन्न गरेको कार्यक्रम संयोजक यम बतासले जानकारी दिए ।
