व्यास नगरपालिकाद्वारा प्रहरी विट हस्तान्तरण

पृथ्वी राजमार्ग अन्तरगत तनहुँको व्यास-४ स्थित भोर्लेटारचोकमा व्यास नगरपालिकाले निर्माण गरेको प्रहरी विट जिल्ला प्रहरी कार्यालयलाई हस्तान्तरण गरिएको छ । नगरपालिकाले आइतबार एक कार्यक्रमको आयोजना गरी जिल्ला प्रहरी कार्यालयलाई प्रहरी विट हस्तान्तरण गरेको हो ।

नगरप्रमुख वैकुण्ठ न्यौपानेले जिल्ला प्रहरी प्रमुख प्रहरी उपरिक्षक अरुण पौडेललाई प्रहरी विटको चाबी हस्तान्तरण गर्दै समाजमा शान्ति सुरक्षा कायम गर्ने सवालमा व्यास नगरपालिका प्रहरीको साथमा रहेको बताए ।

नागरीक स्तरका निकाय र सुरक्षा निकाय एकसाथ मिलेर सहकार्य गरेमा समाजमा शान्ति सुरक्षा कायम गर्न सफलता मिल्ने नगर प्रमुख न्यौपानेले बताए । प्रहरी उपरीक्षक पौडेलले ट्राफिक व्यवस्थापन, प्रहरी भवन निर्माण सिसिटिभि मर्मत लगायतका धेरै विषयमा व्यास नगरपालिकाको उल्लेख्य सहयोग रहेको चर्चा गर्दै आगामि दिनमा यस्ता सहयोगको निरन्तरता दिन अनुरोध गरे । व्यास नगरपालिकाको करिब १ लाख रुपैयाँको लागतमा उक्त प्रहरी विट निर्माण गरिएको व्यास नगरपालिकाले जनाएको छ ।

सेयर गर्नुहोस्

प्रतिक्रिया दिनुहोस्

सम्बन्धित खवर