तनहुँको बन्दिपुर-४ स्थित विमलनगरबाट यातायात कार्यालयको सेवा सुरु

भौतिक, पूर्वाधार, शहरी विकास तथा यातायात ब्यवस्था मन्त्रालय गण्डकी प्रदेश अन्तरगत यातायात ब्यवस्था कार्यालय तनहुँले बुधबारबाट तनहुँको बन्दिपुर गाउँपालिका-४ को बिमलनगरबाट सेवा सुरु गरेको छ । डुम्रेको चिसापानीबाट सेवा दिँदै आएको कार्यालयले बुधबारबाट विमलनगरबाट सेवा सुरु गरेको हो ।

कार्यालयले यहि जेठ २५ गते बाटै सवारी साधनको दर्ता गर्न सुरु गरेको भएपनि हालसम्म दर्ताका लागि सेवाग्राही नआएको यातायात व्यवस्था कार्यालय बिमलनगरका प्रमुख विष्णुबहादुर क्षेत्रीले बताए । कार्यालयले असार अन्तिम साता वा श्रावण १ गतेदेखि ट्रायल लिने र पास भएकाहरुलाई लाइसेन्स वितरण गर्ने तयारी समेत गरिएको छ ।

आगामी असार २० गतेपछि अनलाईन फाराम भर्ने ब्यवस्था मिलाईने र कार्यालयबाट दुइ पांग्रे र चार पांग्रे साना सवारीको ट्रायल लिने र पास भएकाहरुलाई लाइसेन्स वितरण गर्ने तयारी गरेको छ । लाईसेन्स नविकरण पनि सम्भव भए असारबाट नभए श्रावणबाट सुरु गरिने भएको छ ।

यो कार्यालयले लाइसेन्स वितरण, नवीकरण, बिलबुक नवीकरण सेवा सुरु भएपछि तनहुँ, लमजुङ, गोरखा, मनाङका बासिन्दाले पोखरा, चितवन र काठमाडौं धाउनु पर्ने बाध्यता हट्नेछ । कार्यालयले विमलनगरबाट सेवा प्रवाहका लागि एक घर पाँच वर्षका लागि भाडामा लिएको छ ।

डुम्रेस्थित कार्यालयबाट बिलबुक नवीकरण मात्रै हुँदै आएकामा सवारी साधन दर्ता सुरु भइसकेको र सवारी चालक अनुमति (लाइसेन्स) वितरण कार्य सुरु गर्ने तयारी गरिएको कार्यालय प्रमुख केसीले जानकारी दिए ।

जिल्लाबाटै सवारी साधन दर्ता हुने भएपछि सवारी साधन दर्ताका लागि पोखरा जानुपर्ने बाध्यताको अन्त्य हुने भएको छ । यो कार्यले तनहुँ मात्र नभई गोरखा, लमजुङका र्सवसाधारणलाई पनि सहज हुनेछ । सवारी साधन दर्ताका लागि भने हालसम्म कोही पनि नआएको उनले बताए ।

सेयर गर्नुहोस्

प्रतिक्रिया दिनुहोस्

सम्बन्धित खवर