होटल व्यवासायीलाई खोप उपलब्ध गराउन माग

होटल व्यवसायीलाई खोप उपलब्ध गाउन माग गरिएको छ। क्षेत्रीय होटल संघ तनहुँले होटल ब्यबसायीहरूलाई कोभिड-१९ विरुद्धको खोप तत्कालै उपलब्ध गराउन प्रमुख जिल्ला अधिकारीको ध्यानाकर्षण गराएको हो । संघका अध्यक्ष राम जोशी तथा महासचिव चन्द्र कुमार कायस्थले तनहुँका प्रमुख जिल्ला अधिकारी सागर आचार्यलाई खोपको माग गर्दै ज्ञापनपत्र बुझाएका छन् ।

पर्यटन, आवास, होटल, रेष्टुराँ तथा रिसोर्ट सम्बन्धी सेवा नेपाल राजपत्रमा उल्लेखित अत्यावश्यक सेवामा पर्ने भएको र संवेदनशील एवं जिम्मेवार पेशा ब्यबसाय भएकाले यस क्षेत्रमा आवद्ध व्यवसायी, कर्मचारीलाई तत्कालै कोभिड विरुद्धको खोप उपलब्ध गराइदिन माग गरिएको अध्यक्ष जोशीले बताए ।

आन्तरिक तथा बाहृय पर्यटक भित्रीने पहिलो गन्तब्य होटल भएको हुँदा संबेदनशिलता क्षेत्रलाई प्राथमिकता तथा धरासयी बन्दै गएको होटल व्यवसायलाई स्थापित गर्न खोपको अति आवश्यक रहेको अध्यक्ष जोशीले बताए ।

पर्यटन ब्यबसाय देशको अर्थतन्त्रको प्रमुख आधार भएको र पर्यटकलाई होटलमा गुणस्तरीय सेवा सुविधा प्रदान गर्न, पर्यटकसँग प्रत्यक्ष सम्पर्क र सम्बन्धका कोभिड संक्रमणको उच्च जोखिममा रहेको हुँदा होटल व्यवसायमा आवद्ध सबैलाई खोपका व्यवस्था गरिदिन माग गरिएको संघका महासचिव कायस्थले बताए । तनहुँमा ठुला साना गरी करिब १ हजार ६५० होटल रहेको संघका बरिस्ठ उपाध्यक्ष बिकास खनालले बताए । संघको ज्ञापनपत्र बुझदै प्रमुख जिल्ला अधिकारी आचार्यले आँफुले जतिसक्दो छिटो सक्दो पहल गर्ने प्रतिवद्धता जनाए । संघले ब्यास नगरपालिका तथा होटल संघ नेपाल हानमा पनि ज्ञापनपत्र बुझाएको जनाएको छ ।

सेयर गर्नुहोस्

प्रतिक्रिया दिनुहोस्

सम्बन्धित खवर