शुक्लागण्डकीमा मेशिनको फित्तामा बेरिएर एक मजदुरको मृत्यु
तनहुँको शुक्लागण्डकी नगरपालिकामा–२ साँखरस्थित न्यू श्रेष्ठ ब्लग उद्योगमा कार्यरत एक मजदुरको बुधबार बिहान मेशिनको फित्तामा बेरिएर मृत्यु भएको छ । मृत्यु हुनेमा बेलौरी नगरपालिका–९ कञ्चनपुरका २१ वर्षीय केशव चौधरी रहेको प्रहरीले जनाएको छ ।
स्थानीयद्वारा चौधरीलाई मेशिनको फित्तामा बेरिएको देखेपछि तनहुँ सेवा हस्पिटलमा उपचारका लागि ल्याइएकोमा चिकित्सकले मृत घोषणा गरेको इलाका प्रहरी कार्यालय बेलचौतराका प्रहरी निरीक्षक ज्ञानबहादुर खड्काले बताए । चौधरी मेशिनमा एक्लै काम गर्दै रहेको उनले बताए ।
घट्नाबारे थप अनुसन्धान भैरहेको प्रहरीले जनाएको छ ।
