एक लाख नगदसहित तनहुँमा १५ जुवाडे पक्राउ
भञ्ज्याङ न्यूज
तनहुँको आँबुखैरेनी गाउँपालिका-१ समस्तीपुरस्थित क्विन वि रेष्टुरेन्टमा आइतबार दिउँसो कौडा खेलिरहेको अवस्थामा १५ जुवाडे पक्राउ परेका छन् । जिल्ला प्रहरी कार्यालयले पाएको गोप्य सूचनाको आधारमाा रेष्टुरेन्टमा छापा मार्दा १५ जुवाडे ठूलो धनराशीसहित १५ जुवाडे पक्राउ परेका हुन् ।
पक्राउ पर्नेमा प्रकाश खनाल, मेखबहादुर गुरुङ, बिनय गुरुङ, देवेन्द्र सेढाइं, नारायण गुरुङ, तुलबहादुर गुरुङ, पूर्णबहादुर गुरुङ, विकास गुरुङ, प्रितम गुरुङ, गंगाराम मिश्र, अन्जन गुरुङ, आशिष गुरुङ, शिवराज गुरुङ र खड्काबहादुर गुरुङ रहेका प्रहरी कार्यालय तनहुँका प्रहरी नायव उपरीक्षक युवराज तिमिल्सिनाले बताए ।
उनले भने, ‘उनीहरुबाट एक लाख १३ हजार नगद र १६ थान कौडा बरामद गरिएको छ ।’ पक्राउ परेकाविरुद्ध आइतबार जिल्ला प्रशासन कार्यालयबाट जुवासम्बन्धी कसुरमा म्याद थप गरिएको जिल्ला प्रहरी कार्यालयले जनाएको छ ।
