बोलेरो जीपको ठक्करबाट स्कुटर चालकको मृत्यु

पृथ्वीराजमार्ग अन्तर्गत तनहुँको म्याग्दे गाउँपालिका-१ बरचौरमा आइतबार साँझ जीपको ठक्करबाट स्कुटर चालकको मृत्यु भएको छ । सडक दुर्घटनामा परेर स्थानीय ४० वर्षीय मनोज खनालको मृत्यु भएको जिल्ला प्रहरी कार्यालय तनहुँले जनाएको छ ।

थर्पुबाट दमौलीतर्फ आउँदै गरेको ग२च ७४७४ नम्बरको बोलेरो जीपले विपरित दिशातर्फ जाँदै गरेको ग७प ५८२६ नम्बरको स्कुटरलाई ठक्कर दिँदा स्कुटरचालक खनालको मृत्यु भएको प्रहरी नायब उपरिक्षक युवराज खड्काले जानकारी दिए ।

दुर्घटनामा गम्भिर घाइते खनालको दमौली अस्पतालमा मृत्यु भएको प्रहरीले जनाएको छ । दुर्घटनामा परि खनालको ज्यान गएपछि स्थानीयले दोसिलाई कारवाहीको माग गर्दै केही समय राजमार्ग अवरुद्ध बनाएका थिए ।

सेयर गर्नुहोस्

प्रतिक्रिया दिनुहोस्

सम्बन्धित खवर