व्यासमा कांग्रेसका उम्मेदवारहरुको घरदैलो अभियान तीब्र
भञ्ज्याङ समाचारदाता/भिमाद
नेपाली कांग्रेसको तर्फबाट व्यास नगरपालिकाको प्रमुख, उपप्रमुख, वडा अध्यक्ष र वडा सदस्य पदका लागि चुनावी मैदानमा उत्रिएका उम्मेदवारहरुले घरदैलो अभियान तीव्र पारेका छन् । आफ्नो चुनावी एजेण्डा र विकासका खाका लिएर उनीहरु जनताको घरदैलोमा पुगेका हुन् ।
जस अन्तरगत व्यास नगरपालिकाको वडा नं ५ को पाटन, चापाघाट कन्टार, अलैंचे, पतेनी, ठुलोटार, बरबोटे, शेरा, रानिटारी, चुदेँर, चिन्तुटार लगायतका स्थानमा कार्यक्रम सम्पन्न गरेको छ ।
नगरवासीसंगको भेटघाट कार्यक्रममा बोल्दै नगर प्रमुखका उम्मेदवार वैकुण्ठ न्यौपानेले विकासका कामहरुलाई पुर्णता दिन सक्ने सक्षम पार्टी नेपाली कांग्रेस भएको चर्चा गरे । समृद्धि र विकासका लागि नेपाली कांग्रेसको पक्षमा मतदान गर्न मतदाताहरुलाई न्यौपानेको आग्रह गरे ।
कार्यक्रममा उपप्रमुखका उम्मेदवार इन्दिरा दरैले समावेशी विकासनै आजको मुल आवश्यकता रहेको वताइन् । सो घरदैलो अभियान कार्यक्रममा नेपाली कांग्रेसका कार्यकर्ताहरुको उल्लेख्य सहभागिता रहेको थियो ।
कार्यक्रममा नेपाली कांग्रेसका केन्द्रीय सदस्य ध्रुव वाग्लेले नेपाली कांग्रेसको जितबाट मात्रै विकासले पुर्णता पाउने बताए । कार्यक्रममा पुर्व नगर प्रमुख ताराप्रसाद श्रेष्ठ, महाधिवेशन प्रतिनिधि अशोक कुमार श्रेष्ठ, व्यास ५ का वडा अध्यक्षका उम्मेदवार यज्ञ खनाल, निवर्तमान वडा अध्यक्ष मोहन कुमार श्रेष्ठ तथा सदस्य उम्मेदवारहरुले चुनावी प्रतिवद्धता व्यक्त गरेका थिए ।
