डुम्रेमा ट्राफिक व्यवस्थापनमा कडाइ

तनहुँको बन्दिपुर गाउँपालिका-१ को डुम्रे बजारमा ट्राफिक ब्यवस्थापनमा कडाइ गरिएको छ । ट्राफिक प्रहरीले मापसे गरी सवारी चलाएमा ठाउँको- ठाउँ कारबाही गर्ने तयारी गरेको छ । डुम्रे बजार तनहुँ, लमजुङ र गोरखाको पनि व्यापारिक केन्द्र भएकाले दुर्घटनाको जोखिम रहने हुँदा ट्राफिक ब्यवस्थापनमा कर्डाई गरिएको ट्राफिक प्रहरी पोष्ट डुम्रेका प्रमुख विष्णु मग्रातीले बताए ।

सवारी चलाउँदा लेन अनुसार चलाउन, जथाभावी पार्किङ नगर्न, मापसे गरी सवारी नचलाउन, सिट क्षमता भन्दा बढी यात्रु नराख्न, मोटरसाइकल चलाउँदा हेलमेटको अनिवार्य प्रयोग गर्न ट्राफिक प्रहरीले आग्रह गरेको छ । ट्राफिक कार्यालय डुम्रेले गत आर्थिक वर्षमा ५ हजार ९ सय सवारीसाधनलाई कारबाही गरी ४१ लाख १८ हजार ५ सय रुपैयाँ राजश्व संकलन गरेको ट्राफिक प्रहरी दिल्लुराम भट्टले बताए ।

सेयर गर्नुहोस्

प्रतिक्रिया दिनुहोस्

सम्बन्धित खवर