रामज्योति बोर्डिङ स्कुलले फुटबल प्रतियोगिता गर्ने
भञ्ज्याङ समाचारदाता/दमौली
व्यास नगरपालिका-४ स्थित सिमलटारमा रहेको रामज्योति बोर्डिङ स्कुलले ७ए साइड अन्तर विद्यालय फुटबल प्रतियोगिता गर्ने भएको छ । व्यास-१३ स्थित वेलवासको खेलमैदानमा विहीबारदेखि प्रतियोगिता सञ्चालन गर्ने विद्यालय संचालन समितिकी अध्यक्ष वसुन्धरा घर्तीले बताइन् ।
प्रतियोगितामा विजेताले नगद १५ हजार र उपविजेताले ७ हजार नगद पुरस्कार प्राप्त गर्नेछन् । त्यस्तै उत्कृष्ट खेलाडी, उत्कृष्ट गोलरक्षक, र्सवाधिक गोलकर्ता र म्यान अफ दि म्याचलाई मेडल र प्रमाणपत्र प्रदान गरिने विद्यालयका प्रिन्सिपल बिपिन गौलीले बताए ।
विद्यालयका अनुसार प्रतियोगिताका लागि टिम दर्ता शुल्क २ हजार ५ सय रुपैयाँ राखिएको छ । प्रतियोगितामा व्यास नगरपालिका भित्रका १३ टिम सहभागी रहेको जनाएको छ । प्रतियोगितामा सहभागी हुनका लागि २०६५ सालमा जन्मेको र कक्षा ८ मा पढेको हुनुपर्ने व्यवस्था गरिएको छ ।
