उद्योग वाणिज्य संघको सम्मान र शुभकामना

तनहुँ उद्योग वाणिज्य संघले प्रमुख जिल्ला अधिकारी र प्रहरी उपरीक्षकलाई सम्मान गरेको छ । जिल्लामा सरुवा भई आएका प्रमुख जिल्ला अधिकारी छविलाल रिजाल र प्रहरी उपरीक्षक अवदेश विष्ट क्षेत्रीलाई बुधबार एक कार्यक्रमका बीच सम्मान तथा शुभकामना व्यक्त गरिएको हो ।

उक्त कार्यक्रममा प्रजिअ रिजालले तनहुँ उद्योग वाणिज्य संघसँग सहकार्य गरेर काम गर्दा प्रशासनलाई सहज हुने बताए । उनले निजी क्षेत्रसँग सहकार्य गरेर काम गर्दा प्रशासनलाई सहज हुने विश्वास व्यक्त गरे ।

सरकार र निजी क्षेत्रको सहकार्यबाट मात्रै समृद्धि सम्भव रहेकाले सकारात्मक कुरामा संघसँग सहकार्य गर्न प्रशासन सदैव तयार रहेको बताए । यस्तै, प्रहरी उपरिक्षक अवदेश विष्ट क्षेत्रीले उद्योगी व्यवसायीको सुरक्षामा प्रहरी गम्भीर रहेको बताए।

कार्यक्रममा संघका अध्यक्ष पविन्द्रकुमार श्रेष्ठले प्रजिअ रिजाल र प्रहरी उपरिक्षक विष्टलाई स्वागत गरेका थिए । कार्यक्रममा नेपाल उद्योग वाणिज्य महासंघका केन्द्रीय सदस्य एवं संघका पूर्व अध्यक्ष देवकुमार श्रेष्ठ, संघका पूर्व अध्यक्ष मानकाजी श्रेष्ठ, महिला उद्यमी सभापति शकुन्तला आले लगायतले शुभकामना व्यक्त गरेका थिए ।

सेयर गर्नुहोस्

प्रतिक्रिया दिनुहोस्

सम्बन्धित खवर