व्यासको व्यवसाय कर चर्को भयो, तिर्न सक्दैनौ : होटल व्यवसायी
भञ्ज्याङ समाचारदाता/दमौली
तनहुँका होटल व्यवसायीले व्यास नगरपालिकाले लिने गरेको व्यवसाय कर चर्को भएको भन्दै विरोध जनाएका छन् । तनहुँ होटल व्यवसायी संघले आर्थिक मन्दीका बेला पनि नगरपालिकाले चर्को कर असुलेको भन्दै तिर्न नसक्ने जनाएका छन् ।
दमौलीका होटल व्यवसायीहरुको सोमबार बसेको बैठकले व्यवसाय कर अत्याधिक भएको र आर्थिक मन्दीका कारण तिर्न गाह्रो भएको निष्कर्ष निकालेको छ । व्यवसाय कर चर्को हुनुका साथै फरक-फरक पाइएकोले पुरानै कर कायम गर्न आग्रह गरिएको संघका अध्यक्ष दुर्गाविलास भट्टराइले बताए । नगरपालिकाले करमा पुनःविचार नगरेसम्म संघले अर्को सूचना जारी नभइन्जेल कर नतिर्ने निर्णय गरिएको अध्यक्ष भट्टराइले बताए ।
