भानु कप फुटबलको उपाधि सेभेन स्टार डुम्रेले उचाल्यो
तनहुँको भानु नगरपालिकाको भन्सारमा २१०औं भानुजयन्तीका अवसरमा आयोजित राष्ट्रिय खुल्ला नाइन एसाइड भानुकप फुटबल प्रतियोगिताको उपाधी सेभेन स्टार युवा क्लब डुम्रेले उचाल्न सफल भएको छ । आइतबार भएको फाइनल खेलमा ट्राइबेकरमा फ्रेण्डसिप युवा क्लब खहरेलाई ४-३ गोल अन्तरले पराजित गरेको हो । ३२ वटा टिमको सहभागिता रहेको प्रतियोगितामा बिजेतालाई २ लाख २५ हजार २१०, उपविजेतालाई १ लाख १२ हजार २१० रुपैयाँ नगद, मेडल, ट्रफी र प्रमाणपत्रद्वारा पुरस्कृत गरिएको छ । यस्तै प्रतियोगितामा फ्रेण्डसिप युवा क्लबका जितेस गुरुङ उत्कृष्ट खेलाडी, सेभेन स्टारका रमेश श्रेष्ठ उत्कृष्ट गोल किप्पर, फ्रेण्डसिप युवा क्लबका विक्की राइ (५ गोल) सर्वाधिक गोलकर्ता र म्याग्दे युवा क्लब अनुशासित टिमको पुरस्कार प्राप्त गर्न सफल भएका छन् । तस्विर : डिपि अधिकारी/भञ्ज्याङ
