चितुवाको आक्रमणबाट तनहुँमा ११ वर्षीय बालकको मृत्युु
बन्दीपुर । चितुवाको आक्रमणबाट बिहीबार साँझ एक बालकको मृत्यु भएको छ । तनहुँको बन्दीपुर–४ सालथान निवासी जीत बहादुर अच्छामीका ११ वर्षीय छोरा सुन्दर अच्छामीको मृत्यु भएको हो ।
जिल्ला प्रहरी कार्यालय तनहुँका अनुसार साँझ करिव सवा ८ बजेको समयमा गाइगोठबाट घरतर्फ फर्किने क्रममा चितुवाले बालकलाई आक्रमण गरी घाइते बनाएको थियो ।
घाइते बालकको उपचारका क्रममा बन्दीपुर अस्पतालमा मृत्यु भएको तनहुँका प्रहरी नायव उपरीक्षक दीपककुमार रायले जानकारी दिए ।
