जंगली च्याउ खाँदा तनहुँमा एक महिलाको मृत्यु
भञ्ज्याङ न्यूज
तनहुँको म्याग्दे गाउँपालिका-३ धयरेका एक महिलाको जंगली च्याउ खाँदा मृत्यु भएको छ । जंगली च्याउ खाएर बिरामी भएकी ४७ वर्षीया सुनिमाया थापाको उपचारका क्रममा मृत्यु भएको जिल्ला प्रहरी कार्यालय तनहुँले जनाएको छ ।
गत चैत १८ गते जंगलमा च्याउ खोज्न गई घरमा ल्याएर खानासँग तरकारीको रुपमा खाँदा बिरामी भएकी उनको उपचारका लागि चैत्र २० गते दमौली ल्याइएको थियो ।
उनको स्वास्थ्यमा सुधार नभएपछि थप उपचारका लागि चैत्र २३ गते नयाँ मेडिकल कलेज चितवन लगिएकोमा आइतबार मृत्यु भएको प्रहरी नायब उपरिक्षक युवराज खड्काले बताएका छन् ।
च्याउ खाएर बिरामी उनलाई दमौली अस्पतालमा उपचारपश्चात् थप उपचारका लागि चितवन पठाइएकामा उपचारको क्रममा मृत्यु भएको प्रहरीले जनाएको छ । च्याउ खाँदा स्थानीय दश जना बिरामी भएका थिए ।
