बन्दीपुर भ्रमण वर्षको शुभारम्भमा गाउँपालिकाले दियो सार्वजनिक बिदा
बन्दीपुर : तनहुँको बन्दीपुर गाउँपालिकाले पुस १७ गते पालिकाभित्र सार्वजनिक बिदा दिने निर्णय गरेको छ ।
गाउँपालिकाले बन्दीपुर भ्रमण वर्ष २०२५ को शुभारम्भ गर्ने भौतिक पूर्वाधार तथा यातायातमन्त्री देवेन्द्र दाहालको प्रमुख आतिथ्यतामा भ्रमण वर्षको समुद्घाटन गर्ने तयारी भएको गाउँपालिकाका अध्यक्ष सुरेन्द्र थापाले जानकारी दिए ।
गाउँपालिका, बन्दीपुरका पर्यटन व्यवसायी तथा स्थानीयको सहकार्यमा बन्दीपुरलाई विश्वमाझ चिनाउने र बन्दीपुरमा पर्यटनको आगमनलाई वृद्धि गर्ने लगायतका लक्ष्यका साथ भ्रमाण वर्ष मनाउने तयारी गरिएको छ ।
