क्षेत्रीय होटल संघ डुम्रेमा सन्तोषको नेतृत्वमा नयाँ कार्यसमिति
डुम्रे : क्षेत्रीय होटल संघ तनहुँ, डुम्रे बजार इकाइको २०औँ वार्षिक साधारणसभा तथा १०औँ अधिवेशन शनिबार डुम्रेमा सम्पन्न गरिएको छ । अधिवेशनले सन्तोष थापाको सभापतित्वमा नयाँ कार्यसमिति सर्वसम्मत चयन गरेको छ ।
नवनिर्वाचित समितिको उपसभापतिमा सरोज श्रेष्ठ र महेन्द्र साही, सचिवमा ईश्वरप्रसाद लामिछाने, सहसचिवमा अरुण श्रेष्ठ तथा कोषाध्यक्षमा यमकुमारी तामाङ चयन भएका छन् ।
त्यस्तै सदस्यहरूमा बिक्की गुरुङ, कृष्ण सारू थापा र सरू गुरुङ चयन भएका छन् ।
अधिवेशनमा सचिव ईश्वरप्रसाद लामिछानेले सचिवको तथा कोषाध्यक्ष यमकुमारी तामाङले आर्थिक प्रतिवेदन प्रस्तुत गरेका थिए । प्रस्तुत दुवै प्रतिवेदनमाथि छलफलपछि पारित गरिएको थियो ।
निर्वाचन संयोजक राम जोशी तथा सदस्यहरू विकास खनाल र सङ्गीता प्रधान रहेको निर्वाचन समितिले नयाँ कार्यसमिति चयन गरेको हो ।
कार्यक्रम क्षेत्रीय होटल संघ तनहुँका अध्यक्ष चन्द्रकुमार कायस्थको उद्घाटन तथा नवनिर्वाचित अध्यक्ष सन्तोष थापाको अध्यक्षतामा सम्पन्न भएको थियो। कार्यक्रमको सञ्चालन महेन्द्र साहीले गरेका थिए भने स्वागत सरोज श्रेष्ठले गरेका थिए ।
कार्यक्रममा भगवान श्रेष्ठ, फुलमती थापा, वरिष्ठ सई राजकुमार केसीलगायतले होटल व्यवसायीबीच एकता र सहकार्यलाई थप मजबुत बनाउनुपर्नेमा जोड दिए । उनीहरूले होटल व्यवसायको संरक्षण, प्रवद्र्धन तथा व्यवसायीका साझा समस्या समाधानका लागि संघले प्रभावकारी भूमिका खेल्नुपर्ने धारणा राखेका थिए ।
