विद्युतको समस्याले खानेपानी आयोजना बन्द
तनहुँको म्याग्दे गाउँपालिका–२ को डुमडाँडा, गुञ्जार र सिप्ले गाउँका बासिन्दालाई हिउँदको समयमा सहज रुपमा खानेपानी वितरणका लागि लिफ्ट प्रविधिबाट निर्माण गरिएको उमाचोक खानेपानी आयोजनाको पानी संकलन ट्याङ्की ।
विद्युत लाइनमा समस्या आएपछि गत भदौ महिनादेखि लिफ्ट प्रविधिबाट पानी तान्ने कार्य रोकिएको छ । हिउँद लागेसंगै स्थानीय उपभोक्ताहरुले खानेपानीका समस्या झेल्दै आएका छन् । खानेपानी आयोजनाको थ्रिफेज लाइनमा समस्या आएको र यसको मर्मत सुधारका लागि करिब ८ लाख रुपैयाँ खर्च आउने भएपछि उपभोक्ताहरुले आर्थिक स्रोत जुटाउन नसक्दा बन्द हुने अवस्थामा पुगेको बताइएको छ ।
खानेपानी सञ्चालनमा नआएपछि स्थानीयले उपभोग तथा पशुवस्तु, सुन्तला तथा तरकारी खेतीमा समेत सहज रुपमा पानीको प्रयोग गर्न पाएका छैनन् । तस्विर : भञ्ज्याङ
