तनावपूर्ण वातावरणमा डिप्रेसनबाट यसरी रहनुस् टाढा
एजेन्सी
निरन्तर व्यस्त जीवन र तनावपूर्ण वातावरणका कारण धेरै मानिसहरू आफ्नो मानसिक स्वास्थ्यमा ध्यान दिन असमर्थ हुन्छन् ।
यस कारण तनाव, चिन्ता र बर्नआउटको समस्या धेरै गुणा बढ्छ । निरन्तर तनावले रक्तचाप, मुटु रोग, मोटोपना, चिन्ता र डिप्रेसन जस्ता गम्भीर स्वास्थ्य समस्याहरू निम्त्याउन सक्छ । यस्तो अवस्थामा मानसिक स्वास्थ्यको ख्याल राख्नु सबैभन्दा महत्त्वपूर्ण हुन्छ ।
समय फिक्स गर्नुस्
काम गर्दा र निरन्तर व्यस्त रहनाले बर्नआउट हुन सक्छ । संरचित तर लचिलो दिनचर्या सिर्जना गर्नुस् अनि काम, परिवार र आरामको लागि समय तालिका बनाउनु महत्त्वपूर्ण छ । यसको लागि तपाईँले सूची तयार गर्न सक्नुहुन्छ ।
सचेत रहने
सचेत हुनु र ध्यान गर्नु मानसिक स्वास्थ्यको लागि सबैभन्दा महत्त्वपूर्ण कुरा हो । यसको लागि आफ्नो दिनचर्यामा ध्यान, श्वासप्रश्वास र अन्य धेरै योगहरू समावेश गर्न सक्नुहुन्छ । यसले दिमागलाई शान्त राख्छ र सही निर्णय लिन पनि मद्दत गर्छ ।
स्वस्थ खाना खाने
मस्तिष्कलाई स्वस्थ र सक्रिय राख्न आहारमा ओमेगा–३ फ्याटी एसिड, एन्टिअक्सिडेन्ट, आवश्यक भिटामिन, म्याग्नेसियम, जिंक, आइरन र प्रोबायोटिक्स युक्त खानेकुराहरू समावेश गर्न सक्नुहुन्छ । यसका साथै दिनभरि ७ देखि ८ गिलास पानी पिउनुहोस् ।
डिजिटल ओभरलोड कम गर्ने
दिमागलाई स्वस्थ राख्न डिजिटल संलग्नता कम गर्नुहोस् । निरन्तर डिजिटल संलग्नताले ऊर्जा खेर जान्छ । त्यसैले डिजिटल प्रयोगको सीमा तोक्नुहोस् । स्क्रिन समय सीमित गर्नुहोस् अनि समयमै विश्राम लिनुहोस् ।
विशेषज्ञको सल्लाह पनि आवश्यक
मानसिक स्वास्थ्यसँग सम्बन्धित समस्याहरू बढ्दा डाक्टरको सल्लाह आवश्यक हुन्छ । मनोचिकित्सकहरूले आवश्यकता अनुसार औषधि र थेरापी सहित प्रमाणमा आधारित उपचार सिफारिस गर्छन् ।
अस्वीकरणः यहाँ दिइएका सल्लाह अनलाइनबाट तयार पारिएको हो । यसले सामान्य जानकारी मात्रै दिन्छ । यसलाई पालना गर्नु अघि आफ्नो चिकित्सकसँग परामर्श गर्नु होला ।
