खैरेनीटार सवस्टेशनमा नोलाइट र काउन्टरको सेवा, शुक्लागण्डकी, भिमाद, म्याग्दे, ऋषिङ, घिरिङ, नवलपुरको बौद्धिकाली र बुलिङटारका सेवाग्राही लाभान्वित

• राजकुमार आले (दुलेगौंडा)

नेपाल विद्युत प्राधिकरण लेखनाथ वितरण केन्द्रको नोलाइट तथा महसुल काउन्टर सेवा खैरेनीटार सवस्टेशन शाखा झरौटाबाट शुरु गरिएको छ । नेपाल विद्युत प्राधिकरण प्रादेशिक कार्यालय गण्डकीका प्रमुख टेकनाथ तिवारीले काउन्टरको शुभारम्भ गरेका हुन् । लामोसमयदेखि कोठा भाडामा लिएर दुलेगौँडाबाट नोलाइट तथा काउन्टर संचालन गर्दै आएको प्राधिकरणले शुक्लागण्डकी-५ झरौटा सवस्टेशन परिसरबाटै नोलाइट तथा काउन्टरको सेवा सञ्चालन गरेको हो ।

पछिल्लो समय विद्युतीय माध्यमबाट कोरोबार हुने भएपनि काउन्टरमै गएर महसुल भुक्तानी गर्नेहरुका लागि तालचोक जानु पर्ने बाध्यता हटेको छ । काउन्टरबाट दिइने सबै सेवा खैरेनीटार झरौटाबाटै उपलब्ध गराइने प्राधिकरणले जनाएको छ । काउन्टरले आइतबारदेखि नै सेवा शुरु गरेकोछ । काउन्टरबाट पहिलो सेवाग्राहीको रुपमा जनकल्याण मावि बेलचौतराले सेवा लिएको थियो ।

केन्द्रका प्रदेश प्रमुख तिवारीले देशबाट लोडसेडिङ हटिसकेकाले अब विद्युत वितरणको गुणस्तरीेयतामा ध्यान दिन आवश्यक रहेको बताए । उनले भोल्जेट व्यवस्थापन र फिडरहरुको सुधार गर्नतर्फलाग्नु पर्ने बताउँदै खैरेनीटारमा सवस्टेशन निर्माण भइसकेपछि यस क्षेत्रका उपभोक्ताहरुले अब भोल्जेटको समस्या झेल्नु नपर्ने बताए ।

झरौटामा काउन्टर सारदा दुलेगौंडा क्षेत्रका उपभोक्तालाई दुरी टाढा हुन गएकोले प्रविधिको प्रयोग गर्न र उपभोक्ता काउन्टर जाने आउने सडकको स्तरोन्नती गर्न आवश्यक रहेको हुँदा सोका लागि स्थानीय सरकारको ध्यानाकर्षा गराए । उनले नयाँ मिटर राख्न र क्षमतावृद्धिका लागि तालचोक नै जानु पर्ने अवस्थालाई ध्यानमा राख्दै यहिबाट मिटर वितरण गर्ने गरी तुरुन्तै काम गर्ने प्रतिवद्धता जनाए । कार्यक्रममा लेखनाथ वितरण केन्द्रका प्रमुख नविन कुमार लाभले केन्द्रको कार्यक्षेत्र धेरै भएको अवस्थामा खैरेनीटार सवस्टेशन निर्माणपछि सेवा प्रभावकारी हुँदै गएको बताए ।

कार्यक्रममा शुक्लागण्डकी-५ का वडाध्यक्ष दीर्घबहादुर थापा र वडा नं. ६ का वडा सदस्य बुद्धिबहादुर थापाले नोलाइटको सेवा सहित झरौटामा काउन्टर संचालनमा आएपछि उपभोक्ताको समय र पैसाको बचत हुने विश्वास व्यक्त गरे ।

शुक्लागण्डकी-५ झरौटास्थित जिपि कोइराला अस्पताल पछाडी निर्माण गरिएको सवस्टेशन गत बर्षो पुसदेखि नै संचालनमा आएको थियो । विद्युतभार कतौटी गर्ने गरी खैरेनीटार झरौटामा आठ एमबिएको सवस्टेशन निर्माण गरिएको हो । यस सवस्टेशनबाट तनहुँका शुक्लागण्डकी, भिमाद नगरपालिका, म्याग्दे, ऋषिङ र घिरिङका साथै नवलपुरको बौद्धिकाली र बुलिङटारका गरी करिब २५ हजार बढी सेवाग्राही लाभान्वित हुने बताइएको छ ।

सेयर गर्नुहोस्

प्रतिक्रिया दिनुहोस्

सम्बन्धित खवर