बहिनीलाई जबरजस्ती करणी गरेको अभियोगमा तनहुँको शुक्लागण्डकीबाट दाजु पक्राउ
तनहुँको शुक्लागण्डकी नगरपालिका-९ का एक युवालाई प्रहरीले पक्राउ गरेको छ । आफ्नै बहिनीलाई जबरजस्ती करणी गरेको अभियोगमा दाजुलाई बुधबार पक्राउ गरेको तनहुँ प्रहरीले जनाएको छ ।
२७ वर्षीय दाजुले मानसिक रुपमा कम्जोर रहेकी १४ वर्षीया बहिनीलाई जबरजस्ती करणी गरेको अभियोगमा पक्राउ गरिएको तनहुँका प्रहरी उपरीक्षक अरुण पौडेलले बताए ।
पक्राउ परेका दाजुले डर, धम्की दिंदै बहिनीलाई गत शुक्रबार राती र विगतमा पनि पटक-पटक जबरजस्ती करणी गरेको भन्ने उजुरीको आधारमा पक्राउ गरिएको प्रहरी उपरीक्षक पौडेलले बताए ।
इलाका प्रहरी कार्यालय बेलचौताराबाट खटिएको प्रहरी टोलीले ती युवालाई पक्राउ गरी थप अनुसन्धान गरिरहेको छ ।
