दमौलीको छाब्दी खोला दोभानमा पहिरोले पुर्दा एक वृद्धाको मृत्यु
भञ्ज्याङ न्यूज
तनहुँको व्यास नगरपालिका-१ भादगाउँ स्थित निर्मल नगरको छाब्दी खोला दोभानमा राती १ बजेको समयमा खसेको पहिरोले पुरिदा एक महिलाको ज्यान गएको छ ।
घर पछाडिबाट खसेको पहिरोले काठको बलो खसेर पुर्दा घाइते भएकी ६३ वर्षीया सरस्वती घर्तीको उद्घार गरि उपचारका लागि दमौली अस्पताल लग्दै गर्दा मृत्यु भएको बताइएको छ ।
पहिरोमा परि गम्भीर घाइते भएकी उनलाई उपचारका लागि लैजाने तयारी गर्दा ज्यान गएको वडा अध्यक्ष खरसिङ दरैले जानकारी दिए ।
पहिरोका कारण घर पूर्ण रुपमा क्षेती भएपनि घरका अन्य सदस्यलाई केही नभएको प्रहरी नायब उपरीक्षक युवराज तिमल्सेनाले बताए ।
घरका अन्य सदस्य र मृतक वृद्धा फरक फरक कोठामा सुतेका कारण अरु भने बाँच्न सफल भएको घटनास्थल पुगेका वडा अध्यक्ष दरैले बताए ।
