थानीमाई मन्दिरमा ६६ वटा फूलको डोली
भानु : तनहुँको भानु नगरपालिका–७ वसन्तपुरस्थित थानीमार्या मन्दिरमा कात्तिक महिनाको पहिलो मंगलबार पञ्चेबाजा घनकाउँदै पूचाअर्चनका लागि फूलको डोलीसहित पुगेको भक्तजनहरु । यस मन्दिरमा सोमबार रात भर ५४५ जना कर्ताहरुले मन्दिर परिशरमा बत्ती बालेको मन्दिर व्यवस्थापन समितिले जनाएको छ ।
भक्तजनहरू फूलको डोली र पञ्चैवाजासहित थानीमाई मन्दिरको तीनपटक नाचगान गर्दै परिक्रमा गर्दछन् । परिक्रमापछि माथि थुम्कामा रहेको मन्दिर परिसरमा रहेका देवलहरूमा डोलीसँगै लगिएको तोरणलाई तीन फन्का घुमाएर बाँध्ने गरिन्छ ।
आफ्नो मनोकाङ्छा पूरा भएको भन्दै सोमबार राती घरमा सत्यनारायणको पूजा लगाई मंगलबार बिहानै पञ्चेबाजा, भजनकृतनका साथमा फूलको डोली लिएर भक्तजनहरु मन्दिरमा पूजाअर्चनका लागि पुग्ने गर्दछन् ।
विशेष गरी कात्तिक, मंसिर र माघ महिनाको मंगलबारका दिन भक्तजनहरु पूजाअर्चनका लागि मन्दिर पुग्ने गर्दछन् ।
तस्विर : भञ्ज्याङ
