जिल्ला अदालत तनहुँद्वारा ४५.२ प्रतिशत मुद्दा फछ्र्यौट
भञ्ज्याङ समाचारदाता/दमौली
जिल्ला अदालत तनहुँले ४५.२ प्रतिशत मुद्दा फछ्र्यौट गरेको छ । आर्थिक वर्ष २०७७/०७८ मा दर्ता हुन आएका मुद्दा मध्ये ४५.२ प्रतिशत मुद्दा फछर्योट भएको अदालतका स्रेस्तेधार मिनबहादुर कुँवरले जानकारी गराएका छन् । गत साउन १ गतेदेखि असार ३१ गतेसम्म पटकपटक गरी करिव ६ महिना कोरोना भइरसको कारण जरी निषेधाज्ञाले कारण अदालतको नियमित सेवा सञ्चालन हुन नसक्दा मुद्दा फछ्र्यौटमा कमि आएको बताइएको छ ।
यस्तै, यस आर्थिक वर्षमा दुइ जना न्यायाधीश फेरबदल भएका कारण पनि मुद्दा फछ्र्यौटमा केही कमी भएको अदालतले जनाएको छ । यो वर्ष नयाँ दर्ता र पुरानासमेत गरी तनहुँ जिल्ला अदालतमा १ हजार ७५० थान मुद्दाको लगत कायम रहेकोमा त्यसमध्ये ७९१ थान मुद्दा फछर्यौट भई ९५९ थान मुद्दा निर्णय गर्न बाँकी रहेको बताइएको छ ।
यो वर्ष दर्ता भएका मुद्दामा सबैभन्दा धेरै सम्बन्ध विच्छेदका रहेका छन् । अदालतमा ६७९ थान सम्बन्ध विच्छेदका मुद्दा रहेकोमा त्यसमध्ये ४६३ थान मुद्दा फैसाला भई २१६ थान मुद्दा फैसलाको पर्खाइमा रहेको बताइएको छ । सम्बन्ध विच्छेद मुद्दामा अधिकांश मिलापत्र हुने गरेको बताइउको छ । सम्बन्ध विच्छेद मुद्दा पति वा पत्नी जोसुकैले दिन पाउने भए तापनि पतिले दायर गरेकोमा पत्नीले सम्बन्ध विच्छेद गर्न नचाहेको अवस्थामा कमै मात्र सम्बन्ध विच्छेद हुने गरेको स्रेस्तेदार कुँवरले बताए ।
अदालतमा परेका अन्य मुद्दाहरुको रेकर्ड हेर्दा, जबरजस्ती करणी मुद्दा ५० थान, बालयौन दुरुपयोग ५ थान, कर्तव्य ज्यान १६ थान, घरेलु हिंसा १९ थान, सवारी ज्यान ५८ थान र लागू औषध ६२ थान मुद्दा दर्ता भएको तथ्याङ्क र्सार्वजनिक गरिएको छ ।
