बागभञ्ज्याङदेखि दमौलीको भोर्लेटार चोकसम्म ठुला सवारीलाई एकतर्फी
भञ्ज्याङ न्यूज
तनहुँको व्यास नगरपालिका-४ बागभञ्ज्याङदेखि दमौलीको भोर्लेटार चोकसम्म ठुला सवारीलाई एकतर्फी बनाइएको छ । व्यास नगरपालिका र सरोकारवाला निकायहरु बीच आतइबार बसेको बैठकले उक्त निर्णय गरेको हो ।
दमौलीको भोर्लेटार चोकमा बढ्दो सवारी चापको व्यवस्थापन तथा दुर्घटना न्यूनिकरणका लागि व्यास-४ बागभञ्ज्याङदेखि भोर्लेटार चोक तर्फआउने सडकलाई एकतर्फी बनाइएको छ ।
सोमबारदेखि नै यो नियम लागु हुने गरी ठुला सवारी साधानहरुलाई एकतर्फी गर्दै प्रवेश निषेध लागु गरिएको छ । बागभञ्ज्याङदेखि सिमलटार, गल्बुबेसी हुँदै भोर्लेटार
चोकसम्मको सडक प्रयोग गर्ने गरी व्यवस्थापन गरिएको जिल्ला प्रहरी कार्यालय तनहुँले जनाएको छ ।
उक्त रुट भएर सञ्चालन हुने ठुला, मझौला र ट्याक्टरहरुले तोकिएको रुटबाट सवारी सञ्चालन गर्न समेत प्रहरीले अनुरोध गरेको छ ।
