डुम्रेमा ल्याब सहित फिजियो थेरापीको सेवा शुरु
भञ्ज्याङ न्यूज
तनहुँको बन्दिपुर-१ डुम्रे बजारमा अत्याधुनीक ल्याब सहित फिजियो थेरापी सेवा शुरु गरिएको छ । लामो समयदेखि आयुर्वेद उपचार सेवा प्रदान गर्दै आइरहेको डुम्रेको सञ्चो आयुर्वेद औषधालयले डुम्रेमा पहिलो पटक येस्तो सेवा शुरु गरेको हो । हाल डुम्रे स्थित बेशिशहर चोकमा रहेको के एल भवनबाट उक्त सेवा प्रदान गरिएको छ ।
थेरापी सेवा शुरु भएसँगै विभिन्न ढाड, कम्मर तथा अन्य नशा रोग सम्बन्धी समस्या भएका स्थानीय बिरामीहरूलाई अन्य स्थानमा जानुपर्ने बाध्यता हटेको छ । यस अघि त्यस्ता बिरामीहरू दमौली, पोखरा, नारायणघाट र काठमाडौं जानुपर्ने बाध्यता रहेको थियो । साथै ल्याब सेवामा पनि विभिन्न जाँचहरु गरिरहेको छ ।
स्थापनाको अवसरमा विभिन्न विषेशज्ञहरुबाट करिब २०० जना बिरामीहरूको निःशुल्क स्वास्थ्य परिक्षण तथा औषधि वितरण गरिएको थियो । हरेक महिनाको पहिलो शनिबार र तेस्रो शनिबार विशेषज्ञ डाक्टरहरुबाट स्वास्थ्य परिक्षण भइरहेको र थेरापी र औषधिमा समेत विशेष छुट सहित सेवा दिंदै आइरहेको संचालक तारा प्रसाद थापा काजीले बताए।
