दाताको सहयोगमा विपन्नको घर निर्माण

तनहुँको भानु नगरपालिका-१३ का एकल दलित पुरुषलाई दाताहरुले उपलब्ध गराएको आर्थिक सहयोगबाट घर निर्माण गरी हस्तान्तरण गरिएको छ । सक्षम नेपाल अभियानले सञ्चालन गरेको विपन्न वीर बहादुर परियारको घर निर्माण अभियानमा विभिन्न दाताहरुबाट संकलित आर्थिक सहयोगबाट घर निर्माण गरी हस्तान्तरण गरिएको हो । अभियानका अध्यक्ष प्रकाश थापाको अध्यक्षतामा आइतबार आयोजित एक कार्यक्रममा भानु नगरपालिका-१३ का वडाध्यक्ष राम बहादुर बानियाँले घरधनी वीर बहादुर परियालाई हस्तान्तरण गरेका थिए ।

उक्त घर हस्तान्तरण कार्यक्रममा परोपकार भकारीका याम थापा, भानु-१३ नेपाली काग्रेस उपसभापति चन्द्र विवश गुरुङ, अभियान्ताहरु आकाक्षा पोखरेल, रोजिना क्षेत्री, भरत थापा, महिला संजाल भानु-१३ का अध्यक्ष सीता पौडेल, पोखरीछाप टोल सुधारका संयोजक दान बहादुर गुरुङ, पोखरीछाप गाउँका मुखिया सुक मान गुरुङ लगायतले दाता र अभियानकर्मीहरुले गरेको कामको प्रशंसा गरेका थिए । सन्तान बिहीन वीर बहादुरका दम्पती निकै कष्टपूर्ण रुपमा जीवनयापन गर्दै आएका थिए । वीर बहादुरकी श्रीमती विरामी भई थलपरेपछि सार्वजनिक भएको दयनीय अवस्थाको तस्विर देखिएपछि विभिन्न क्षेत्रमा अवद्ध युवाहरुले औषधी उपचार तथा घर निर्माणका लागि अभियान चलाएका थिए ।

वीर बहादुरकी श्रीमतीको उपचारका क्रममा मृत्यु भएपछि उनको अन्तिम संस्कारका लागि विभिन्न संघ संस्था तथा व्यक्तिहरुबाट संकलित ३६ हजार रुपैयाँ उपलब्ध गराइएको स्थानीय अभियानक्रर्मी संगमसुमिर पियाँले जानकारी गराए । यस्तै, सन्तान र घरवार बिहीन बनेका वीरबहादुरको घर निर्माणका लागि सञ्चालन गरिएको अभियानमा १ लाख २८ हजार १०० रुपैयाँ आर्थिक संकलन भएको बताइएको छ ।

घर निर्मणका लागि चितावन अभियानले ५५ हजार रुपैयाँ, तनहुँ सेवा समाज दुवाइले ४० हजार रुपैयाँ, सुर्य खड्का (अष्ट्रेलिया)बाट १५ हजार रुपैयाँ, थान सिंह गुरुङ (अमेरीका)बाट ५ हजार रुपैयाँ, कृष्ण गुरुङ (सम्जुर)बाट २ हजार रुपैयाँ, भिमराज गुरुङ पोखराबाट ५ हाजर ५०० रुपैयाँ, बिष्णु गुरुङ बास्पानीबाट २ हजार रुपैयाँ, समिना बेगम वाडा सदस्यबाट २ हजार रुपैयाँ, असुरदिन मियाबाट एक हजार रुपैयाँ, समिम खानले ६०० रुपैयाँ र भानु-१३ का वडाध्यक्ष रामबहादुर बानीयाले १५ हजार रुपैयाँ आर्थिक सहयोग उपलब्ध गराएको स्थानीय अभियानकर्मी पियाँले जानकारी गराए ।

सेयर गर्नुहोस्

प्रतिक्रिया दिनुहोस्

सम्बन्धित खवर