प्रेस चौतारी तनहुँद्वारा प्रतिनिधि छनौट

प्रेस चौतारी नेपाल तनहुँले गण्डकी प्रदेश र केन्द्रीय अधिवेशनका लागि प्रतिनिधि छनौट गरेको छ । चौतारीको विहीबार बसेको बैठकले गण्डकी प्रदेशको यही फागुन २१ गते हुने अधिवेशन र फागुन २७ र २८ गते हुने महाधिवेशनको लागि तनहुँबाट प्रतिनिधि छनौट गरिएको हो ।

प्रेस चौतारी तनहुँले प्रदेश अधिवेशनको लागि खुल्ला तर्फ जिल्ला सचिव ऋषीकान्त दुवाडी र सहसचिव किरण श्रेष्ठ र महिला तर्फ उपाध्यक्ष सम्झना रसाइली, सहसचिव सुनीता आचार्य र सदस्य शर्मिला विश्वकर्मालाई प्रदेश प्रतिनिधिका रुपमा चयन गरेको छ ।

यस्तै, बैठकले केन्द्रीय महाधिवेशनको लागि खुल्ला तर्फ पुर्व अध्यक्ष प्रेमप्रसाद पौडेल र उपाध्यक्ष कृष्ण न्यौपाने तथा महिलाबाट उपाध्यक्ष सम्झना रसाइली र सहसचिव सुनीता आचार्यलाई केन्द्रीय प्रतिनिधिको रुपमा छनौट गर्ने निर्णय भएको प्रेस चौतारी तनहुँका अध्यक्ष राजकुमार श्रेष्ठ विविले बताए ।

उक्त दुबै अधिवेशनमा जिल्ला अध्यक्ष राजकुमार श्रेष्ठ, केन्द्रीय सदस्यहरु प्रकाशचन्द्र भट्टराइ, नारायण खड्का र समुन्द्र पौडेल तथा केन्द्रीय अनुशासन आयोगका सदस्य त्रिभुवन श्रेष्ठ आयोजकको रुपमा स्वतः प्रतिनिधि हुने छन् ।

त्यस्तै, बैठकले यही फागुन १३ गते शुक्रबार प्रेस चौतारीका सदस्यहरु विच हार्दिकता र सौहार्दताको लागि बनभाजे गर्ने निर्णय समते गरेको सचिव दुवाडीले बताए । शाखा अध्यक्ष राकजुमार श्रेष्ठको अध्यक्षतामा बसेको बैठकमा नेकपा एमाले जिल्ला कमिटीका अध्यक्ष श्रीप्रसाद श्रेष्ठ, चौतारीका सल्लाहाकार संयोजक एवं बरिष्ठ पत्रकार विश्वबन्धु भण्डारी लगायतले प्रेस चौतारीको भूमिकाका विषयमा आ-आफ्ना विचार व्यक्त गरेका थिए ।

सेयर गर्नुहोस्

प्रतिक्रिया दिनुहोस्

सम्बन्धित खवर