सहकारीद्वारा तोरी मिल सञ्चालन
तनहुँको व्यास नगरपालिका वडा नं ५ स्थित कण्टारमा तोरी मिल सञ्चालन गरिएको छ । वडाको श्री दभुङ चण्डीदेवी वहुउद्देश्यीय सहकारी संस्थाले सञ्चालनमा ल्याएको उक्त तोरी मिल वडा अध्यक्ष विष्णुकुमार श्रेष्ठ हिमालको सोमबार एक कार्यक्रमका बीच शुभारम्भ गरेका छन् ।
सहकारी संस्थाका अध्यक्ष मोहन कुमार श्रेष्ठको अध्यक्षतामा आयोजित कार्यक्रममा वडा अध्यक्ष श्रेष्ठले सहकारीको आयाम वहुआयामिक भएको हुँदा सहकारीले कृषि र उत्पादनमा जोड दिनुपर्ने वताए । उनले समाज रुपान्तरण सहकारीको माध्यामवाट हुने भएकाले सहकारीले आफनो मुल उद्देश्य अनुरुप काम गर्न सुझाए ।
सहकारीले वचत संकलन तथा ऋण दिने मात्र नभई उत्पादन, रोजगारी तथा समाजलाई रुपान्तरण गर्ने गरी काम गर्नुपर्ने वडाध्यक्ष श्रेष्ठले जोड दिएका छन् । व्यास नगरपालिकाको १ लाख ५० हजार अनुदान समेत गरी कुल ५ लाख २५ हजारको लागतमा मेसिन खरिद गरी सञ्चालनमा ल्याइएको सहकारीका अध्यक्ष मोहन कुमार श्रेष्ठले बताए ।
संस्थामा २३८ जना शेयर सदस्य सचिव राजकुमार श्रेष्ठले संचालन गरेको कार्यक्रममा संस्थाका शेयर सदस्यहरु र स्थानीय जनसमुदायको उपस्थिती रहेको थियो । संस्थामा २३८ जना शेयर सदस्यहरु आवद्ध रहेका छन् ।
