आँवुखैरेनी-१ सत्रसयमा बर्थिङ सेन्टर सञ्चालनमा

तनहुँको आँबुखैरेनी गाउँपालिका-१ को सत्रसय आधारभूत स्वास्थ्य केन्द्रमा बर्थिङ सेन्टर संचालनमा ल्याइएको छ । गाउँपालिकाले बुधबारबाट आधारभूत स्वास्थ्य केन्द्रमा बर्थिङ सेन्टर सञ्चालनमा ल्याएको हो ।

यहाँ बर्थिङ सेन्टर सञ्चालनमा आएसंगै तनहुँको आँबुखैरेनी गाउँपालिका, बन्दिपुर गाउँपालिका र गोरखाका नागरिकहरुलाई सेवा लिन सहज हुने बताईएको छ ।

बर्थिङ सेन्टरको एक कार्यक्रमका बीच गाउँपालिकाकी उपाध्यक्ष पुष्पादेवी श्रेष्ठले शुभारम्भ गर्दै गाउँपालिकाले स्वास्थ्य क्षेत्रको विकासलाई प्राथमिकतामा राखेको र विशेष गरी ग्रामीण क्षेत्रका महिलाहरुलाई सहज रुपमा स्वास्थ्य परीक्षण सेवा उपलब्ध गराउन यो बर्थिङ सेन्टर सफल हुने बताइन् ।

वडा नं. १ का अध्यक्ष किशन थापाको अध्यक्षता आयोजित शुभारम्भ कार्यक्रममा स्वास्थ्य क्षेत्रलाई सहजता दिन वक्ताहरुले सुझाएको स्वास्थ्य शाखा प्रमुख अगमराज उपाध्ययले बताए ।

सेयर गर्नुहोस्

प्रतिक्रिया दिनुहोस्

सम्बन्धित खवर