भानु जन्मस्थल विकास समितिको प्रथम बैठक सम्पन्न
भानु : आदिकवि भानुभक्त आचार्यको जन्मस्थल तनहुँको चुँदीरम्घामा भानु जन्मस्थल बिकास समितिको प्रथम बैठक सम्पन्न भएको छ । बिकास समितिका अध्यक्ष रामकुमार श्रेष्ठको अध्यक्षतामा बसेको बैठकले समितिले गरेका कार्यहरुको समीक्षा गर्दै आगामी दिनमा गर्नु पर्ने कार्यक्रमको बारेमा छलफल गरिएको थियो ।
बैठकमा गण्डकी प्रदेश साँसद अशोक कुमार श्रेष्ठ, जिल्ला समन्वय समितिका उप–प्रमुख बासुदेव थापा, भानु नगरपालिकाका नगर प्रमुख एवं निर्देशक समितिका संयोजक आनन्दराज त्रिपाठी, वडा नं ४ का वडा अध्यक्ष अर्जुन बहादुर अधिकारी, वडा नं ५ का वडा अध्यक्ष नहकुल अधिकारी, वडा नं ६ का वडा अध्यक्ष धिरेश खनाल, वडा नं ३ का वडा अध्यक्ष तुल बहादुर गुरुङ लगायत समितिका सदस्यहरुको सहभागीता रहेको थियो ।
बैठकले भानुमा साहित्यिक गतिविधिलाई प्राथमिता दिने निर्णय गरेको समितिका कार्यकारी निर्देशक कृपाहरि लौडारीले जानकारी दिए । साथै बैठकले जन्मस्थलको वृहत्तर विकासका लागि पनि पहल गर्ने लगायतका निर्णय गरेको उनले बताए ।
