प्रेस चौतारी नेपालको केन्द्रीय कमिटी चयन

नेकपा एमाले निकट पत्रकारहरुको संगठन प्रेस चौतारी नेपालको १९९ सदस्यीय केन्द्रीय कमिटी र तीनवटा आयोगका पदाधिकारी तथा सदस्यहरु चयन गरिएको छ । सर्वसम्मतिमा नेतृत्व चयनका लागि गठन गरिएको अध्यक्ष मण्डलले नयाँ कमिटीको नाम सार्वजनिक गरेको थियो ।

नवौं राष्ट्रिय अधिवेशनबाट चौतारीको अध्यक्षमा गणेश बस्नेत दोहोरिएका छन् भने उपाध्यक्षमा गणेश पाण्डे, सविन प्रियसन, राजेश राइ र महिला उपाध्यक्षमा देविका घर्ती चयन भएका छन् । उक्त कमिटीको महासचिवमा हिरामान लामा र उपमहासचिवमा राजु सुवेदी र शुरोजवजंग पाण्डे चयन भएका छन् ।

सचिव पदमा प्रदेश नं. १ को सचिवमा विक्रम लुइटेल, मधेस प्रदेशमा कमल उपाध्याय, बागमतीबाट विष्णु तारुके, गण्डकीबाट सुष्मा पौडेल, लुम्बिनीबाट प्रदीप आचार्य, कर्णालीबाट विष्णु शर्मा र सुदूरपश्चिमबाट लोकसरी कुँवर, प्रतिष्ठान सचिवमा हरिबल्लभ नेपाल तथा कोषाध्यक्षमा इन्द्र आचार्य चयन भएका छन् ।

चौतारीको अनुशासन आयोगको अध्यक्षमा नवराज महतरा, लेखा आयोग अध्यक्षमा सटेन्द्र जगेबु र निर्वाचन आयोगको अध्यक्षमा गणेश खनाल चयन भएको निर्वाचन समितिले जनाएको छ । यस्तै, प्रेस चौतारी नेपालको केन्द्रीय कमिटीमा तनहुँबाट तीन जना समेटिएका छन् ।

पोखरामा सम्पन्न नवौं महाधिवेशनबाट तनहुँका तीन जना केन्द्रीय कमिटीमा निर्वाचित भएका हुन् । तनहुँबाट प्रकाशचन्द्र भट्टराइ केन्द्रीय सदस्यमा चयन भएका छन् । उनी खुल्लातर्फबाट केन्द्रीय सदस्य चयन भएका हुन् । नारायण खड्का र समुन्द्र पौडेल अनुशासन आयोगमा सर्वसम्मत चयन भएका हुन् । आयोगको सदस्यको हैसियत केन्द्रीय कमिटी सदस्य सरह हुन्छ । तीन जना नै यसअघि केन्द्रीय कमिटी सदस्य थिए ।

सेयर गर्नुहोस्

प्रतिक्रिया दिनुहोस्

सम्बन्धित खवर