तनहुँको व्यास -१ स्थित निर्मल स्कूल अल्मुनाई एशोसिएसनमा न्यौपाने

तनहुँको व्यास नगरपालिका-१ स्थित निर्मल माध्यमिक विद्यालयका पूर्व विद्यार्थीको छाता संस्था निर्मल स्कूल अल्मुनाई एशोसिएसनको अध्यक्षमा डा. शेषरमण न्यौपाने चयन भएका छन् । एशोसिएसनको शनिबार सम्पन्न दोस्रो अधिवेशनले न्यौपानेको अध्यक्षतामा नयाँ कार्यसमिति चयन गरेको हो ।

एशोसिएसनको उपाध्यक्षमा हरिशचन्द्र वाग्ले, सचिव निर्दोष भट्टराइ, सहसचिव सुमन खड्का, कोषाध्यक्ष मुना तामाङ र सदस्यहरुमा महेन्द्र शर्मा, वीरबहादुर थापा मगर, अलिशा वंशी ठकुरी र विमला शाही चयन भएका छन् ।

एशोसिएसनका अध्यक्ष चक्रबहादुर अधिकारीको अध्यक्षतामा सम्पन्न अधिवेशनमा व्यास नगरपालिकाका प्रमुख वैकुण्ठ न्यौपानेले एशोसिएसनमा देश तथा विदेशमा रहेका पूर्व विद्यार्थीलाई जोड्न सुझाए ।

कार्यक्रममा व्यास-१ का वडाध्यक्ष रमेशचन्द्र हड्खले, निर्मल माविका प्रधानाध्यापक गणेशचन्द्र बस्नेत, आदिकवि भानुभक्त क्याम्पस सञ्चालक समितिका अध्यक्ष ब्रम्हदत्त तिमिल्सिनाले विद्यालयको गुणस्तर वृद्धिका लागि एशोसिएसनले भूमिका खेल्नुपर्ने बताए । सो अवसरमा संस्थाका कोषाध्यक्ष अप्सरा कैनीले आर्थिक प्रतिवेदन र सचिव चिरञ्जीवि पन्थले वार्षिक प्रतिवेदन प्रस्तुत गरेका थिए ।

सेयर गर्नुहोस्

प्रतिक्रिया दिनुहोस्

सम्बन्धित खवर