ज्यान मुद्दामा फरार व्याक्ति २९ वर्षपछि पक्राउ
- भञ्ज्याङ समाचारदाता (दमौली)
जिल्ला प्रहरी कार्यालय तनहुँले कर्तव्य ज्यान मुद्दामा फरार व्याक्ति २९ वर्षपछि पक्राउ गरेको छ । विभिन्न अपराध एवं मुद्दाहरुमा संलग्न रही फरार रहेका तथा अदालतबाट फैसला भई दण्ड, जरिवाना, दसौदी, कोर्ट फि र सरकारी बिगो समेत तिर्न बाँकी भएका व्याक्तिहरुको खोजी गर्ने कार्यलाई तिब्रता दिंदै आएको छ ।
२०४७ सालमा साबिक घिरिङ-५ स्थितमा श्रेष्ठहरुको मंसिर पुर्णिमाको रातको मेलामा स्थानीय दुइ समुहबिच झगडा परी बाबुलाल थापा मगरको बुबालाई कुटपिट एवं कर्तव्य गरी मारी घटना पश्चात फरार रहेका घिरिङ गाउँपालिका-५ बस्ने बर्ष ५५ को जोग बहादुर श्रेष्ठलाई प्रहरीले पक्राउ गरेको हो ।
पक्राउ परेको श्रेष्ठ उपर तनहुँ जिल्ला अदालतले २०४८ फागुन १९ गतेको फैसलाले निज उपर कैद सजाय हुने गरी फैसला तोकेकोमा तोकिएको कैद मध्ये ९ बर्ष ६ महिना १६ दिन कैद भुक्तान नगरी हालसम्म फरार रहेका श्रेष्ठको खोजतलास गर्ने क्रममा मंगलबार पक्राउ गरी तनहुँ जिल्ला अदालत समक्ष उपस्थित गराइएको प्रहरी नायव उपरीक्षक युवराज तिमिल्सिनाले जनाकारी गराए ।
